بۇكىل الەمدىك دەنساۋلىق ساقتاۋ ۇيىمىن ء(بادسۇ) عانا ەمەس، قىتاي، بىرىككەن ۇلتتار ۇيىمىن (بۇۇ) قالاي جايلاپ الدى؟

اقش پرەزيدەنتى د.ترامپ ءبادسۇ-ىن قارجىلاندىرۋدى توقتاتتى. ونىڭ پىكىرىنشە، اتالعان ۇيىمنىڭ «بۇيرەگى قىتايعا بۇرىپ كەتكەن». «ەگەر قىتايدىڭ ءبادسۇ-نا ىقپالىن كەڭ اۋقىمدا قاراستىرمايىنشا، بۇل ماسەلەنى تولىققاندى تۇسىنە المايتىن بولامىز»،-دەدى ول.

وتكەن بىرنەشە جىلدا بۇۇ-نىڭ كوپتەگەن مەكەمەلەرىنىڭ باسشىلىق لاۋازىمىنا قىتاي ازاماتتارى تاعايىندالعان. مىسالى، بۇۇ-نىڭ ازىق-تۇلىك جانە اۋىلشارۋاشىلىق ىستەرىنىڭ باس ديرەكتورى قىزمەتىندە، قحر-نىڭ بۇرىنعى اۋىلشارۋاشىلىق ءمينيسترى تسيۋ دونگيۋ 2019 جىلدان بەرى وتىر. 2018 جىلى قىتاي ازاماتى حوۋلين چجاو حالىقارالىق ەلەكتروبايلانىس وداعىنىڭ باس حاتشىسى لاۋازىمىنا تاعى دا سايلاندى. بۇعان دەيىن ءبىر جىل بۇرىن بۇۇ-نىڭ باس حاتشىسى ا.گۋتەرريش قىتايدىڭ بۇرىنعى سىرتقى ىستەر ءمينيسترىنىڭ ورىنباسارى ليۋ چجەنميندى اتالعان ۇيىمنىڭ ەكونوميكالىق جانە الەۋمەتتىك ماسەلەلەر بويىنشا باس حاتشىنىڭ ورىنباسارى قىزمەتىنە تاعايىنداعان. بىلايشا ايتقاندا، بۇۇ-نىڭ ءتۇيىندى ۇستانىمدارىنداعى ماڭىزدى مەكەمەلەرىندە، بەلگىلى ءبىر دارەجەدە قىتاي ازاماتتارى وتىر. بۇل، حالىقارادا بەيجىڭنىڭ ديپلوماتيالىق ىقپالىنىڭ كۇشتىلىگىن كورسەتەدى.

ماقالا اۆتورى، ءدال وسىنداي جاعدايدا د.ترامپتىڭ ءبادسۇ-ىن قارجىلاندىرۋىن توقتاتۋىن قۇپ كورمەيدى. بۇل ءارى ونىڭ كەلەشەككە كوزقاراسىنىڭ شولاق ەكەنىن بىلدىرەدى دەپ ەسەپتەيدى. اۆتور، اقش-تىڭ ءبادسۇ جانە بۇۇ-نىڭ باسقا دا مەكەمەلەرىندەگى وزىندىك ۇلەسىن شەكتەۋىنەن ەشتەڭە ۇتپايدى. كەرىسىنشە، وسىلايشا اتالعان ۇيىمدارداعى كوپ ورىندى، ءارى بار ىقپالدى قىتايعا قالدىرعانى دەپ ەسەپتەيدى.

ماقالا اقش-تىڭ باق-دا جارىق كورگەن.

ەرتاي ءنۇسىپجانوۆتىڭ الەۋمەتتىك جەلىدەگى جازباسى

Abai.kz