كورناۆيرۋس ىندەتىنىڭ ەلىمىزدە جاپپاي تارالۋىنا بايلانىستى پرەزيدەنت قاسىم-جومارت توقاەۆتىڭ تاپسىرماسىمەن ەل ۇكىمەتى بىرقاتار جەدەل شارالار قابىلداعانى بەلگىلى. رەسپۋبليكالىق ماڭىزى بار قالالار مەن وبلىستار كارانتينگە جابىلدى.

الەمنىڭ جۇزەدەگەن ەلىنە تاراعان قاۋىپتى ينفەكتسيانى جۇقتىرعاندار سانى ميلليوننان اسىپ جىعىلدى. جۇزدەگەن ادام كوز جۇمدى. دۇنيەجۇزىلىك دەنساۋلىق ساقتاۋ ۇيىمى ىندەتتى پاندەميا دەپ جاريالادى. قازاقستاندا دا ىندەتتىڭ قارقىنى قاتتى.

توتەنشە جاعداي كەزىندە قازاقستان ۇكىمەتى جەدەل رەاكتسيا ءبىلدىرىپ، ءتيىستى شارالار پاكەتىن قابىلدادى. دەسە دە، اتى جامان ىندەتتى جەڭۋگە بۇل جەتكىلىكسىز-اق. بۇل ىندەتتە ءبىز جۇرت بولىپ جۇمىلعاندا، كارانتيندىك رەجيمدى قاتاڭ ساقتاعاندا، قوعامدىق ءتارتىپتى بۇزباي، ينفەكتسيانىڭ بەتىن قايتارۋ ءۇشىن كرەستىڭ الدىڭعى شەبىندە جۇرگەن دارىگەرلەر مەن ءتارتىپ ساقشىلارىنا كەدەرگى كەلتىرمەگەندە عانا جەڭەتىنىمىزدى ۋاقىت دالەلدەدى. ءاربىر ادام ورتاق قوعام الدىنداعى ءوز جاۋاپكەرشىلىگىن سەزىنگەنۋى كەرەك! بۇل تۋرالى مەملەكەت باسشىسى قاسىم-جومارت توقاەۆ تا بىرنەشە مارتە ايتقان بولاتىن.

مەملەكەت تاراپىنان ءتيىستى شارالار قابىلداندى. تج رەجيمى جاريالاندى. قالالار كارانتينگە جابىلدى. مەديتسينالىق قىزمەتكەرلەرگە ۇستەمە اقى تولەنەتىن بولدى. اتاۋلى الەۋمەتتىك كومەك، زەينەتاقى مەن جاردەمپۇلعا 10 پايىزدىق يندەكساتسيا جاسالاتىن بولدى. كارانتين كەزىندە تۇراقتى تابىسىنان ايىرىلعان 3 ميلليونعا جۋىق ازاماتقا الەۋمەتتىك جاردەماقى تولەنەتىن بولدى. ول ءۇشىن بيۋدجەتتەن 200 ميلليارد تەڭگە ءبولىندى. 1 ميلليونعا جۋىق ازاماتقا تەگىن ازىق-تۇلىك تاراتىلاتىن بولدى، جانە. اۋىلشارۋاشىلىعىنا 70 ميلليارد، كوكتەمگى ەگىس ناۋقانىنا 100 ميلليارد تەڭگە تاعى ءبولىندى.

مەملەكەت تاراپىنان باستاۋ العان بۇل كومەككە قوعامدىق ۇيىمدار مەن ساياسي پارتيالار دا ءۇن قوستى. اشىق قالتا، كەڭقولتىق، اتىمتاي جومارت ازاماتتار دا قايىرىمدىلىق اكتسيالارىن ۇيىمداستىرىپ، الەۋمەتتىك از قامتىلعان ازاماتتارعا ازىق-تۇلىك، اس-اۋقات جەتكىزىپ بەرىپ جاتىر. ءسوزىمىز سۇيىق شىقپاسى ءۇشىن، ءبىرلى-جارىم مىسال كەلتىرەيىك...

مىسالى، «ءبىز بىرگەمىز!» رەسپۋبليكالىق اكتسياسى اياسىندا شىعىس قازاقستان وبلىسىندا ەرىكتىلەر توبى تۇرعىندارعا covid-19 ىندەتى تۋرالى ءھام ونىڭ الدىن الۋ تۋرالى ءتۇسىندىرۋ جۇمىستارىن جۇرگىزگەن.

وبلىستىق «ديدار» جانە «رۋدنىي التاي» گازەتتەرىنىڭ ارنايى شىعارىلىمدارىن وسكەمەن قالاسىنىڭ ساۋدا ورىندارىنداعى، دۇكەندەر مەن بازارلارداعى حالىققا تاراتقان. ودان بولەك، ەرىكتىلەر توبى مۇقتاج جاندارعا ازىق-تۇلىك، ءدارى-دارمەك جەتكىزىپ بەرگەن.

ال تۇركىستان وبلىسىندا «اباي» باستاۋىش پارتيا ۇيىمىنىڭ ەرىكتىلەرى ىندەتتەن ساقتانۋ قۇرالدارى مەن ءبىرىنشى كەزەكتەگى قاجەتتى ازىق-تۇلىك ونىمدەرىن جەتكىزىپ، ءار وتباسىنا انتيسەپتيك پەن مەديتسينالىق بەتپەردە اپارىپ بەرگەن. سونىمەن قاتار، ماكارون ونىمدەرى، كۇرىش، قانت، شاي، اس تۇزى، پەچەنە جانە وسىمدىك مايى سالىنعان سەبەتتەر تابىستاعان. سونداي-اق، تۇركىستان وبلىسىنىڭ شاردارا اۋدانىندا «قامقورلىق» باعدارلاماسى اياسىندا ءبىر وتباسى جاڭا باسپاناعا قول جەتكىزگەن.

اقمولا وبلىسىندا جەكە كاسىپكەر دينا نۇرماقانوۆا ءوز قاراجاتىنا، 1,2 ميلليون تەڭگەگە مەديتسينالىق بەتپەردەلەر الىپ، مۇقتاج ازاماتتارعا تەگىن تاراتقان. ۇزىن-ىرعاسى 3 مىڭ بەتپەردەنى  وبلىستاعى از قامتىلعان وتباسىلارعا تابىستاۋعا ەرىكتىلەر جاساعا كومەكتەسكەن.

قۇرامىندا 150-دەن استام قوعامدىق ۇيىمدى بىرىكتىرەتىن ەرىكتىلەردىڭ فرونت-ءوفيسى 50 مىڭ مەديتسينالىق ماسكانى تەگىن تاراتقان.

بۇدەن بولەك، شىمكەنتىتك جەكە كاسىپكەر قايرات مولداسەيىتوۆ اس-اۋقاتقا مۇقتاج ازاماتتارعا دەپ 20 ميلليون تەڭگە قاراجات بولگەن. ال قاراعاندىلىق كاسىپكەر عابدوللا دۇيسەنباەۆ ىندەتتى انىقتايتىن ەكسپرەسس-تەستتەر ساتىپ الۋعا 5 ميلليون تەڭگە اۋدارعان. بۇل دا ءوز كەزەگىندە قازاقستان قوعامىنىڭ ءبىر ۇلت بولىپ ۇيىسا بىلگەندىگىن دالەلدەسە كەرەك!

Abai.kz