مەملەكەت باسشىسى قاسىم-جومارت توقاەۆ الداعى مامىر ايىنداعى مەرەكەلەردى ۇيدە اتاپ ءوتۋ كەرەك،- دەدى. 

"ازىرگە بۇل ۆيرۋستىڭ ۆاكتسيناسى جوق. كارانتين شارالارىن قاتاڭ ۇستانساق قانا ىندەتتەن قۇتىلامىز. اسا قاجەتتىلىك بولماسا، ەشقايدا شىقپاي، ۇيدە وتىرىڭىزدار. بۇل، اسىرەسە، قازىرگى قاسيەتتى رامازان ايىندا وتە ماڭىزدى.

بيىل قازاقستان مۇسىلماندارى ءدىني باسقارماسى ورازادا بىرقاتار راسىمنەن تارتىنۋدى ۇسىندى. سوندىقتان وسىنداي ۋاقىتتا اۋىزاشاردىڭ ءوزىن كوپشىلىكپەن بىرگە وتكىزە المايتىنىمىز بەلگىلى. الداعى مامىر ايىنداعى مەرەكەلەردى دە ۇيدە اتاپ وتۋگە تۋرا كەلەدى",-دەدى پرەزيدەنت.

سونىمەن قاتار توقاەۆ 9-مامىر كۇنىنە وراي سوعىسقا قاتىسقان ارداگەرلەرگە لايىقتى قۇرمەت كورسەتىلەتىنىن ايتتى.

"جەڭىس كۇنىندە ۇلى وتان سوعىسى ارداگەرلەرىنىڭ بىردە-بىرەۋى ەلەۋسىز قالمايدى. بارىنە لايىقتى قۇرمەت كورسەتىلەدى.اكىمدەر سوعىس جانە تىل ارداگەرلەرىنە ماتەريالدىق كومەك بەرەدى" ،- دەدى ق.توقاەۆ.

Abai.kz