مەملەكەت باسشىسى قاسىم-جومارت توقاەۆ بۇگىنگى مالىمدەمەسىندە ءار قازاقستاندىقتى تولعاندىراتىن بارلىق ساۋالعا تولىققاندى جاۋاپ بەردى. مۇنداي پىكىردى قر پرەزيدەنتى جانىنداعى قازاقستاننىڭ ستراتەگيالىق زەرتتەۋلەر ينستيتۋتىنىڭ ديرەكتورى زارەما شاۋكەنوۆا ءبىلدىردى.

«مەملەكەت باسشىسى قاسىم-جومارت توقاەۆتىڭ مالىمدەمەسى جاريالاندى. وندا پرەزيدەنت بۇگىندە ءاربىر قازاقستاندىقتى تولعاندىراتىن بارلىق ساۋالعا تولىققاندى ءارى ناقتى جاۋاپ بەردى. ەڭ الدىمەن توتەنشە جاعداي رەجيمىن وسى جىلىدڭ 11 مامىرىنا دەيىن سوزۋ شەشىمى قابىلداندى. بۇل ورىن الىپ وتىرعان قازىرگى قيىندىقتاردان تۋىنداعا جايت. وكىنىشكە ورا ي، ىندەتتىڭ شارىقتاۋ شەگى ءالى وتكەن جوق. ءبىر ساتتە كارانتيندىك شارالاردى الىپ تاستاعان جاعدايدا وسى ۋاقىتقا دەيىن قول جەتىزگەن جەتىستىكتەرىمىزدىڭ ءبارى، ناقتى ايتقاندا ۆيرۋستىڭ تاراۋ جاعدايىن باقىلاۋدا ۇستاۋ زايا بولادى جانە اۋرۋعا شالدىعۋدىڭ جاڭا تولقىنىمەن بەتپە-بەت كەلەمىز»، - دەيدى ول.

ونىڭ اتاپ وتۋىنشە، ىندەتتىڭ قاۋىپتى ەكەنىن قاپەردەن شىعارۋعا بولمايدى. سەبەبى، بۇگىندە بارشا الەم وسى پاندەمياعا تاپ بولىپ وتىر. بۇل ورايدا «بۇل دا وتەر» دەپ ارقانى كەڭگە سالۋعا بولمايدى. ىندەت ادام بالاسىنىڭ دەنساۋلىعىنا ۇلكەن قاتەر توندىرەدى.

«دەگەنمەن، كوروناۆيرۋستىڭ تارالۋىمەن بايلانىستى احۋال باقىلاۋدا تۇرعان وبلىستاردا جانە قالالاردا كارانتين رەجيمى جەڭىلدەتىلۋى مۇمكىن. ەڭ الدىمەن ونەركاسىپتىك كاسىپورىندار، بانكتەر مەن حالىققا قىزمەت كورسەتۋ ورتالىقتارى ءۇشىن. بالالاردىڭ ويىن الاڭدارىنا شىعۋى، ساياجاي يەلەرىنە ۋچاسكەدە كوكتەمگى دالا جۇمىستارىن جۇرگىزۋگە رۇقسات بەرۋ جانە حالىقتىڭ تۇرمىس-تىرشىلىگىن ۇيىمداستىرۋدىڭ وزگە دە ماڭىزدى ماسەلەلەرى تالقىلانىپ جاتىر»، - دەدى زارەما شاۋكەنوۆا.

ينستيتۋت باسشىسىنىڭ اتاپ وتۋىنشە، كاسىپورىن باسشىلارى مەن جەرگىلىكتى بيلىك وزدەرىنە تولىق جاۋاپكەرشىلىك الىپ، بارلىق سانيتارلىق نورمالاردىڭ ساقتالۋىن قامتاماسىز ەتۋى ءتيىس.

«كۇندەلىكتى ءومىر داعدىسىنان ايىرىلۋى، جوسپارلاردىڭ، كىرىستەردىڭ وزگەرىسكە ۇشىراۋى، تاۋەكەل توبىنداعى، اسىرەسە قارت ادامداردىڭ، بالالاردىڭ دەنساۋلىعىنداعى پروبلەما الەۋمەتتىك كوڭىل-كۇيدىڭ تومەندەۋىنە اكەلەتىنى راس. بۇل ماسەلەلەر ۇكىمەت تاراپىنان شەشىلىپ جاتىر جانە پرەزيدەنتتىڭ تۇراقتى باقىلاۋىندا. ولار قاۋىپسىزدىڭ كەڭەسىنىڭ جانە «Nur Otan» پارتياسىنىڭ توراعاسى ەلباسىمىزدىڭ دا ءجىتى نازارىندا تۇر. حالىقتى قولداۋ شارالارىنىڭ ەكى توپتاماسى قابىلدانىپ، جۇزەگە اسىرىلىپ جاتىر. بۇل جۇمىستار جۇيەلى نەگىزدە جالعاسا بەرەدى»، - دەدى ول.

دەرەككوز: قازاقپارات

Abai.kz