3. بىلتىر ناۋرىز ايىندا انەكدوت شىعاردىم دەپ ويلادىم:
«الماتىلىق پوليتسيا باسقارماسىنا جۇگىرىپ كىرەدى. پوليتسەيلەر وعان تاڭعالىپ قارايدى:
- جىگىتتەر، بۇل پوليتسيا باسقارماسى ما؟
- ءيا، نە ماسەلەمەن كەلدىڭىز؟
- مەن ميتينگىگە شىعايىن دەگەم، سودان بىردەن سىزدەرگە كەلىپ تۇرمىن، قاماۋعا الا بەرىڭدەر!

ءبىر ايدان كەيىن ءازىلىم شىندىققا اينالدى. ءالنۇر ىلياشەۆ پوليتسيا باسقارماسىنا كەلىپ ءوزىن قاماۋدى وتىنەدى، ويتكەنى قالايدا بەيبىت ميتينگىگە شىعاتىنىن ايتادى.

4. ۇلتتىق كەڭەسكە مۇشە بولىپ كىرگەن سوڭ، قوعامداعى جان-جاقتى پىكىرلەردى جيناقتاۋ ماقساتىندا النۇرمەن كەزدەستىم.

5. سوسىن بيىل اقپاندا الماتىدا داۋرەن اباەۆپەن كەزدەسۋدە كورىسىپ قالدىق.

6. ونىمەن كەزدەسىپ، "Prezident" دەپ اتالاتىن ساياسي رەفورمالارعا قاتىستى كوزقاراسىم باياندالعان كىتابىمدى سىيلادىم.

7. وكىنىشكە قاراي، النۇرمەن تانىستىعىم وسىمەن شەكتەلەدى. ۇزاعىراق پىكىر الماسۋدىڭ ءساتى دە تۇسپەدى. الداعى ۋاقىتتا ونىمەن ءالى دە كەزدەسىپ، جاقىنىراق تانىسامىز دەپ سەنگىم كەلەدى.

8. ءالنۇردىڭ كوزقاراستارى مەن ۇستانىمدارىمەن تولىق تانىسپىن دەپ ايتا المايمىن. بىراق سوڭعى ءبىر جىل ىشىندە فەيسبۋكتا جازىپ جۇرگەن دۇنيەلەرىنەن قوعامعا قاۋىپ توندىرەتىن نارسەلەردى بايقامادىم. مەن ونى ازاماتتىق ەركىندىك جولىندا كۇرەسىپ جۇرگەنى ءۇشىن قۇرمەتتەيمىن. ول ەلىمىزدىڭ كەز كەلگەن ازاماتى سياقتى ادام قۇندىلىقتارىن العا تارتقان اتازاڭىمىز بويىنشا ءوز پىكىرىن ەركىن جەتكىزۋگە قۇقىلى. ءالنۇردىڭ ەكى ايعا قاماۋعا الىنعانى ءبىزدى الاڭداتۋى ءتيىس. مەن ونىڭ تۇتقىندالۋىن ايىپتايمىن، ءبىزدىڭ ەلدە ازاماتتار كوزقاراسىن بىلدىرگەنى ءۇشىن ساياسي تۇرعىدان قۋدالانباۋى كەرەك. بۇل ءبىزدى قوعام رەتىندە، مەملەكەت رەتىندە قۇردىمعا جەتەلەيتىن جول دەپ بىلەمىن.

9. ءالنۇر ىلياشەۆتىڭ بوساتىلۋىن تالاپ ەتەمىن. قوعام بولىپ تالاپ ەتۋىمىز كەرەك.

باقىتجان بۇقاربايدىڭ الەۋمەتتىك جەلىدەگى جازباسى

Abai.kz