ناعاشى اپام جارىقتىق "تۇلىپقا موڭىرەگەن سيىردان ءسۇت شىقپايدى" دەۋشى ەدى.

"يت تويعان جەرىنە، ەر تۋعان جەرىنە" دەگەندى ايتقان قازاقتىڭ دانالىعىنا باس يمەي كورىڭىز! كەشەدەن بەرى ءجوپتيستىڭ پىكىرى تالقىعا ءتۇسىپ جاتىر.

مەن ءۇشىن ءجوپتيستىڭ كىم بولعانى ماڭىزدى ەمەس. ءتىپتى ول قازاقستان ءۇشىن نە ىستەگەنى دە ماڭىزدى ەمەس. سەبەبى قارنىنىڭ قامى ءۇشىن، ولمەستىڭ كۇنى ءۇشىن ىستەدى ءبارىن. ءتىپتى جيرينوۆسكي سەكىلدى ايتاقشىسىنىڭ ايتاعىنا ەرىپ، قازاق ەلىنىڭ ارقاسىندا كۇن كورىپ ءجۇرۋى دە مۇمكىن.

جيرينوۆسكيدىڭ يتارشىسى بولماسا جوپتيس كەلمەسكە كەتكەن كەڭەس ۇكىمەتىن اڭساپ، الەم الماتى دەپ اتاپ كەتكەن وڭتۇستىك استانانى "الما-اتا" دەپ ساندالماس ەدى عوي. كەزىندە جيرونوۆسكي دە وسى اڭگىمەنى ايتقانى ەستەرىڭىزدە بولار.

بۇل جوپتيس بالاعا كەشە دە ەسكەرتكەن ەدىك. ميتينگ تۋرالى زاڭ جوباسى جاقسى بولا ما، جامان بولا ما، وسال بولا ما، وسپادار بولا ما، ول تەك قازاقستان ازاماتتارىنا عانا تيەسىلى. وعان وزگە ەلدىڭ ازاماتتارىن ارالاستىرۋدىڭ قاجەتى جوق!

سەبەبى قازاق، "جانى اشىماستىڭ قاسىندا باسىڭ اۋىرماسىن!" دەگەن. شەتەلدەن كەلىپ قازاق ۇلتىنىڭ جوعىن جوقتاپ بەرەتىن ادام كورگەن ەمەسپىن! اركىم ءوزىنىڭ باس پايداسىن عانا كوزدەيدى.

ەرجان جاۋباي

Abai.kz