«ازاتتىقتا» جاريالانعان شەتەلدىك ساراپشىنىڭ مالىمەتىنشە، ۇلىبريتانيادا قازاقستان ازاماتتارىنىڭ 430 ميلليون فۋنتتى قۇرايتىن (537 ميلليون دوللار) جىلجىمايتىن مۇلكى بار ەكەن.

بۇلاردىڭ يەلەرى — 42500 تەڭگەگە ارىز تاپسىرعان ميلليونداعان قاراپايىم ازاماتتار ەمەس ەكەنى تۇسىنىكتى. قازاقستاننىڭ تابيعي رەسۋرستارىنان تۇسەتىن تابىستى ۇرلاپ، جەمقورلىققا باتقان، ەلدەگى بايلىقتى سىرتقا تاسىپ جاتقان نازارباەۆتىڭ اينالاسىنداعى وليگارحتار.

داريعا نازارباەۆانىڭ ءوزى 100 ميلليون دوللار تۇراتىن مۇلىككە يە. ۆلاديمير كيم لوندونداعى ەڭ قىمبات پاتەردە تۇراتىنى تاعى دا انىق. بۇلاردىڭ داۋلەتى نەبارى 340 ميلليون فۋنتى بار ۇلىبريتانيانىڭ پاتشايىمىنان دا كوپ بولىپ وتىر.

ايتىپ وتىرعانىمىز تەك قانا جىلجىمايتىن مۇلىك. ال ەندى باسقا ەلدەردەگى ۆيللالارداعى ياحتالاردى، ءزاۋلىم سارايلاردى، ءتۇرلى كومپانيالاردىڭ اكتسيالارىنا سالىنعان قارجىنى، وفشورداعى ەسەپ شوتتاردى قوسساڭىز، نە بولادى؟ كەمىندە، ونداعان ميلليارد دوللاردى قۇرايتىنى انىق.

ال ەندى وسىلار «ءبىز حالىققا نەسيەلىك امنيستيا جاريالاي المايمىز، وعان اقشا جوق» دەگەنىنە سەنەسىز بە؟ «اقشانى ولاي تاراتۋعا بولمايدى» دەگەنىنە ناناسىز با؟ جوق، ارينە!

ۇرلانعان اقشانى قازاقستانعا قايتارسا، نەسيەلىك امنيستيا جاريالاپ قانا قويماي، قازاقستاندى ەڭ دامىعان مەملەكەتكە اينالدىرۋعا بولادى. ءبىر استانانى سالماي، بارلىق قالالاردى استانادان ارتىق ەتىپ جاساۋعا مۇمكىندىك بار!

سوندىقتان، مىڭداعان حالىق قولداپ وتىرعان نەسيەلىك امنيستيا ماسەلەسى — ورىندى، وزەكتى پروبلەما. ونى ورىنداتپاي قويماۋىمىز ءتيىس!

جانبولات مامايدىڭ الەۋمەتتىك جەلىدەگى جازباسى

Abai.kz