پرەزيدەنت سۋ تاسقىنىنان زارداپ شەككەندەرگە كومەك كورسەتۋدى تاپسىردى
قازاقستان پرەزيدەنتى قاسىم-جومارت توقاەۆ تۇركىستان وبلىسىندا سۋ تاسقىنىنان زارداپ شەككەندەرگە كومەك كورسەتۋدى تاپسىردى.
"وزبەكستانداعى سۋ قويماسى بوگەتىنىڭ بۇزىلۋ سالدارىنان تۇركىستان وبل. جەڭىس جانە جاڭا تۇرمىس اۋىلدارىن سۋ باستى. بۇگىن پم ا.مامين مەن وبلىس اكىمى ءو.شوكەەۆ اۋىل تۇرعىندارىن ەۆاكۋاتسيالاۋ بويىنشا قابىلدانعان شارالار تۋرالى باياندادى. زارداپ شەككەن وتباسىلارعا كومەك كورسەتۋدى تاپسىردىم",- دەپ جازدى ق.توقاەۆ Twitter جەلىسىندە.
ايتا كەتەيىك، وزبەكستاندا 1 مامىر كۇنى بولعان جاڭبىر مەن داۋىلدان كەيىن سىرداريا وبلىسىنداعى ساردوبا سۋ قويماسى بوگەتتەرىنىڭ ءبىرى جارىلدى.
تۇركىستان وبلىسى اكىمدىگىنىڭ ءباسپاسوز قىزمەتى بەرگەن اقپاراتقا سايكەس، 2 مامىر كۇنى ساعات 04.30-دا ماقتارال اۋدانىنىڭ شەكاراسىندا كوللەكتوردان سۋ ءوتىپ، جەڭىس جانە جاڭا تۇرمىس ەلدى مەكەندەرى سۋ استىندا قالعان.
سونداي-اق، مىرزاكەنت - جەڭىس - جاڭا تۇرمىس اۆتوموبيل جولدارىن سۋ باستى.
