ن. نىعماتۋلين قازاقستاندىقتاردى ۇلى جەڭىستىڭ 75 جىلدىعىمەن قۇتتىقتادى
ءماجىلىس توراعاسى نۇرلان نىعماتۋلين ۇلى وتان سوعىسىنىڭ ارداگەرلەرى مەن تىل ەڭبەككەرلەرىنە مايدانداعى جەڭىستەرى ءۇشىن العىس ءبىلدىردى.
نۇرلان نىعماتۋليننىڭ پىكىرىنشە، «جەڭىس كۇنى-تۋعان ەلدىڭ بوستاندىعى مەن بەيبىت ءومىرى ءۇشىن جانىن قيعانداردىڭ وشپەس ەرلىگىنىڭ، شىنايى ءپاتريوتيزمىنىڭ، اسقاق رۋحىنىڭ سيمۆولى.
وسى رەتتە، نۇرلان نىعماتۋلين ادامزات ومىرىندەگى ەڭ سۇراپىل سوعىستا
مايدان دالاسىندا قازا بولعانداردىڭ جانكەشتى ەرلىگى تۋرالى ەستەلىكتەر
قۇرمەتپەن ساقتالاتىنىنا توقتالدى.
«مەملەكەت تاراپىنان سوعىس ارداگەرلەرى مەن تىل ەڭبەككەرلەرىنە
كورسەتىلىپ جاتقان قۇرمەت پەن قامقورلىق ولاردىڭ تەڭدەسسىز كۇرەسكەرلىگى مەن
ەرەن ەڭبەكتەرىنە دەگەن شىنايى قۇرمەتتىڭ بەلگىسى.
ءبىز مايدانگەرلەر مەن تىل ەڭبەككەرلەرىنىڭ الدىندا باسىمىزدى يەمىز!»
- دەدى ءماجىلىس سپيكەرى.
نۇرلان نىعماتۋلين بۇگىندە بارلىق كۇش جىگەر مىقتى ءارى قۋاتتى قازاقستان قۇرۋعا باعىتتالعانىن العا تارتا كەلىپ، ءبىزدىڭ ءاربىر ءىسىمىز جەڭىمپاز
ۇرپاقتاردىڭ ەرلىگىنە ساي بولۋ كەرەكتىگىن اتاپ ءوتتى.
«بارشاڭىزعا زور دەنساۋلىق، مول باقىت، بەيبىت ءومىر تىلەيمىن!، - دەدى
ءماجىلىس توراعاسى.
Abai.kz
