قىرعىز ۇكىمەتى ءباسپاسوز قىزمەتىنىڭ مالىمەتىنە قاراعاندا، اسرانديەۆ "كوروناۆيرۋستىڭ كەڭ تاراۋى، اكتيۆتەردىڭ تومەندەۋى، ۇلتتىق ۆاليۋتا باعاسىنىڭ ءتۇسۋى حالىقتىڭ ساتىپ الۋ قابىلەتىن ازايتتى. وسىعان بايلانىستى قىرعىز تارابى تابيعي گاز باعاسىن قايتا قاراۋدى وتىنەدى" دەگەن.

رەسەي تارابى بۇل ۇسىنىستى قاراۋعا ۋادە بەرگەن.

"گازپروم قىرعىزستان" كومپانياسى ءساۋىر ايىندا حالىق ءۇشىن ءبىر تەكشە مەتر باعاسىن 15,3 سومنان 17,6 سومعا دەيىن قىمباتتاتتى. بيزنەس ءۇشىن (ونەركاسىپ كومپانيالارى، كوممەراتسيالىق مەكەمەلەر جانە بيۋدجەتتىك ۇيىمدار) ءبىر تەكشە مەتر باعاسى 18,7 سومنان 21,3 سومعا كوتەرگەن.

باعانىڭ ءوسۋىن اقش دوللارى رەسمي باعامىنىڭ قىمباتتاۋىمەن بايلانىستىرعان.

بىراق قىرعىز ۇكىمەتى "گازپروم قىرعىزستان" كومپانياسى مەن قىرعىز ۇكىمەتىنىڭ اراسىنداعى كەلىسىمگە سايكەس، كوگىلدىر وتىن باعاسى بۇرىنعى قالپىندا قالعانىن حابارلاعان. بۇل قاراپايىم گاز قولدانۋشىلار مەن قاتار كاسىپورىندارعا دا تيەسىلى ەكەنى ايتىلعان.

وسىعان دەيىن حابارلانعانداي، رەسەي قىرعىزستانعا گازدى ءبىر تەكشە مەترى ءۇشىن 220-230 دوللارعا ساتادى، ال وزبەكستاننان 120-125 دوللارعا ساتىپ الادى. ال تاجىكستان وزبەكستاننان كوگىلدىر وتىندى 120 دوللارعا ساتىپ الادى.

Abai.kz