قازاقستاندا بيولوگيالىق قاۋىپسىزدىك كەڭەسى پايدا بولادى، - دەپ حابارلايدى Tengrinews.kz.

"قازىرگى داعدارىس بۇكىل الەمگە مەديتسينا، ءبىلىم بەرۋ، الەۋمەتتىك قورعاۋ سىندى الەۋمەتتىك سالالاردىڭ قانشالىقتى ماڭىزدى ەكەنىن كورسەتتى. بىزگە دەنساۋلىق ساقتاۋ جۇيەسىنىڭ ساپاسىن ارتتىرۋعا، مەديتسينالىق مەكەمەلەردى تولىق تەحنولوگيالىق قايتا جاراقتاندىرۋعا، مەديتسينا قىزمەتكەرلەرىنىڭ بىلىكتىلىگىن ارتتىرۋعا باعىتتالعان تۇبەگەيلى وزگەرىستەر قاجەت. بەيىمدەلۋ جۇيەلەرى كەز كەلگەن سيپاتتاعى توتەنشە جاعدايلارعا جەدەل دەن قويۋ ءۇشىن قاجەت", - دەلىنگەن قاسىم-جومارت توقاەۆتىڭ مالىمدەمەسىندە.

سونداي-اق، دەموگرافيالىق باقىلاۋ، تەلەمەديتسينا مەن قاشىقتان دياگنوستيكانى ەنگىزۋ تاسىلدەرى ازىرلەنۋى ءتيىس.

"ۇلتتىق سانيتار-ەپيدەميولوگيالىق قىزمەتتى تۇبەگەيلى نىعايتۋ قاجەت. جالپى، COVID-19 جانە وسىنداي ۆيرۋستار ءبىر جولعى وقيعا ەمەس. سوندىقتان ءبىز تەك پراكتيكالىق تۇرعىدان ەمەس، عىلىمي تۇرعىدان دا ۇنەمى دايىن بولۋىمىز كەرەك. ۇكىمەت بەدەلدى عالىمدار مەن ساراپشىلاردى تارتا وتىرىپ، بيولوگيالىق قاۋىپسىزدىك كەڭەسىن قالىپتاستىرۋى ءتيىس", - دەپ مالىمدەدى پرەزيدەنت.