اۋىر اتلەتيكادان الەمنىڭ ءتورت دۇركىن چەمپيونى يليا يلين سپورتتىق مانسابىن اياقتاپ، قىزىلوردا قالاسىنداعى «مۇز ايدىنى» سپورت كەشەنىنىڭ ديرەكتورى بولىپ تاعايىندالدى.

«بۇگىن مەنى قىزىلوردا قالاسىنىڭ «مۇز اي̆دىنى» كەشەنىنىڭ باسشىسى قىلىپ تاعاي̆ىندادى!

بۇل مەنىڭ سپورت سالاسىنداعى العاشقى باسقارۋشىلىق قىزمەتىم.

ماعان ساتتىلىك تىلەڭىزدەر! تاعايىنداۋ وبلىس اكىمىنىڭ ورىنباسارى سەرىك ابجاليۇلى احمەتوۆتەن قابىلداندى» - دەپ جازدى يلين ينستاگرام جەلىسىندەگى جەكە پاراقشاسىندا.

يليا يلين 1988 قىزىلوردا قالاسىندا دۇنيەگە كەلگەن. 32 جاستاعى اۋىر اتلەت 2005, 2006, 2011 جانە 2014 جىلدارى الەم چەمپيوناتىندا جەڭىسكە جەتكەن.

ال 2016 جىلى دوپينگ داۋىنان كەيىن 2008 جانە 2012 جىلعى وليمپيادا ويىندارىنىڭ التىن مەدالدارىن قايتارىپ بەرگەن بولاتىن.

Abai.kz