ن.نىعماتۋليننىڭ توراعالىعىمەن ءماجىلىستىڭ بيۋرو وتىرىسى ءوتتى
بۇگىن پالاتا سپيكەرى نۇرلان نىعماتۋليننىڭ توراعالىعىمەن ءماجىلىس بيۋروسى ءوتىپ، وندا الداعى جالپى وتىرىستىڭ كۇن ءتارتىبىنىڭ جوباسى ناقتىلاندى.
دەپۋتاتتار قاراۋىنا ويىن بيزنەسى ماسەلەلەرىنە قاتىستى زاڭ جوباسى I وقىلىمدا ۇسىنىلدى. قۇجات قۇمار ويىندار سالاسىنداعى زاڭناماداعى ولقىلىقتاردى جويۋعا، سونداي-اق بۋكمەكەرلەر مەن لوتەرەيالاردىڭ قىزمەتىن باقىلاۋدىڭ تيىمدىلىگىن ارتتىرۋعا باعىتتالعان.
بيۋرو وتىرىسىندا حالىق دەنساۋلىعى جانە دەنساۋلىق ساقتاۋ جۇيەسى تۋرالى كودەكسى جانە ازاماتتىق پروتسەستىك كودەكسىنە سوتتار جۇمىسىنا زاماناۋي فورماتتارىن ەندىرۋ، ارتىق سوت راسىمدەرى مەن شىعىندارىن قىسقارتۋ ماسەلەلەرىنە قاتىستى زاڭ جوبالارى II وقىلىمدا قاراۋ ۇسىنىلدى.
سونىمەن قاتار ەەو پەن قىتاي كەدەندىك شەكارالارى ارقىلى وتكىزىلەتىن حالىقارالىق تاسىمالداعى تاۋارلار مەن كولىك قۇرالدارى جونىندە اقپارات الماسۋ تۋرالى كەلىسىم تۋرالى راتيفيكاتسيالىق زاڭ جوباسى قاراستىرىلدى.
سونداي-اق، وتىرىستا پالاتانىڭ سالالىق كوميتەتتەرى بىرقاتار جاڭا زاڭ جوبالارىن جۇمىسقا الدى. ولار قالدىقتاردى ەنەرگەتيكالىق كادەگە جاراتۋ جانە تمد قاتىسۋشى مەملەكەتتەردىڭ يادرولىق اۆاريا نەمەسە رادياتسيالىق اۆاريالىق احۋالدىڭ تۋىنداۋ جاعدايىنا دايىندىقتى جانە ولاردىڭ زارداپتارىن جويۋ كەزىندەگى ءوزارا كومەكتى قامتاماسىز ەتۋ تۋرالى كەلىسىمدەرگە قاتىستى زاڭ جوبالارى.
Abai.kz
