پەسكوۆتىڭ ءوزى جۋرناليستەرگە "اۋىرىپ قالدىم، قازىر ەمدەلىپ جاتىرمىن" دەگەن.
پەسكوۆ - پرەزيدەنت پۋتينگە ەڭ جاقىن شەنەۋنىكتىڭ ءبىرى. ول كۇندەلىكتى ءپۋتيننىڭ جانە كرەملدىڭ مالىمدەمەلەرىنە كونفەرەنتس-كولل ارقىلى جۋرناليستەرگە پىكىر ءبىلدىرىپ جۇرگەن. پەسكوۆتىڭ سوڭعى رەت قاشان پۋتينمەن جولىققانى بەلگىسىز. بەلگىلىسى، پۋتين قازىر نوۆو-وگورەۆتەگى رەزيندەنتسياسىندا جانە كەزدەسۋلەرىنىڭ كوبىن قاشىقتان وتكىزىپ جاتىر.
ساۋىردە پەسكوۆ جۇرت الدىنا "ۆيرۋس وتكىزبەيتىن بلوكاتورمەن" شىققان. بۇل "بلوكاتوردىڭ" ۆيرۋستان قورعاي الاتىنى دالەلدەنبەگەن.
بۇعان دەيىن رەسەي پرەمەر-ءمينيسترى ميحايل ميشۋستين مەن مادەنيەت ءمينيسترى ولگا ليۋبيموۆاعا دا ۆيرۋس جۇققان. ولاردىڭ قازىرگى جاعدايى جايلى حابارلانبادى.
رەسەي ۆيرۋس جۇقتىرعاندار سانى جونىنەن الەمدە ەكىنشى ورىنعا شىقتى. بۇل ەلدە 232 مىڭنان استام ادامنان ۆيرۋس تابىلدى.ەكى مىڭنان استام ادام قايتىس بولدى. بىراق Financial Times باسىلىمى رەسەيدە COVID-19 ۆيرۋسىنان قازا تاپقاندار سانى رەسمي مالىمەتتەن الدەقايدا كوپ دەپ ەسەپتەيدى.
Abai.kz
