ءماجىلىس دەپۋتاتتارى بالالارعا ارنالعان مىندەتتى ۆاكتسيناتسيانى ەنگىزۋدى كوزدەيتىن حالىق دەنساۋلىعى جانە دەنساۋلىق ساقتاۋ جۇيەسى تۋرالى جاڭا كودەكستىڭ جوباسىن ەكىنشى وقىلىمدا ماقۇلدادى،- دەپ حابارلادى Tengrinews.kz.

دەپۋتات زاۋرەش امانجولوۆانىڭ ايتۋىنشا، كودەكسكە ەكى تۇزەتۋ ۇسىنىلعان. ءبىرىنشى - پروفيلاكتيكالىق ەگۋلەر تۋرالى زاڭنىڭ تارماعىندا «تالاپ ەتىلەدى» دەگەن ءسوز «قۇقىلى» سوزىنە اۋىستىرىلعان. جانە ۆاكتسيناتسيالانباعان بالالاردىڭ بالاباقشاعا بارۋىنا تىيىم سالىنبايدى. بىراق بۇل تۇزەتۋلەر قابىلدانعان جوق، - دەپ اتاپ ءوتتى امانجولوۆا.

«ناتيجەسىندە بارلىق ەگۋلەر مىندەتتى جانە ەرىكتى بولىپ بولىنەدى، ال بالالاردى قابىلداۋ بالاباقشاداعى ۇجىمدىق يممۋنيتەتتىڭ «دەڭگەيىنە نەگىزدەلەدءى»، - دەدى امانجولوۆا.

بۇدان بۇرىن مىندەتتى پروفيلاكتيكالىق ەگۋلەر جۇرگىزىلەتىن اۋرۋلاردىڭ تىزىمىنە: ۆيرۋستىق گەپاتيت ا (ۆ15), ۆيرۋستىق گەپاتيت ۆ (B16), ۆ تيپتەگى گەموفيلدى ينفەكتسيا (B96.3), ديفتەريا (A36), جاتىر موينىنىڭ قاتەرلى ىسىگى. (C53), كوك جوتەل (A37), قىزىلشا (B05), قىزامىق (B06), پنەۆموكوكك ينفەكتسياسى (B95.3), پوليوميەليت (A80), سىرەسپە (A33-A35), تۋبەركۋلەز (A15-A19) جانە پاروتيت (B26) ) ەنگىزىلگەن بولاتىن.

مىندەتتى ۆاكتسيناتسيانى ەنگىزۋ قازاقستاندىقتار اراسىندا داۋ تۋدىردى. كوپشىلىك قارسى بولدى. سونىمەن بىرگە، دەنساۋلىق ساقتاۋ مينيسترلىگى بالالاردىڭ ۆاكتسيناتسيادان باس تارتۋى - بۇل بۇۇ-نىڭ بالا قۇقىقتارى تۋرالى كونۆەنتسياسىندا جانە قازاقستان رەسپۋبليكاسىنداعى بالانىڭ قۇقىقتارى تۋرالى زاڭىندا بەكىتىلگەن كونستيتۋتسيامەن كەپىلدەندىرىلگەن بالالاردىڭ دەنساۋلىقتى قورعاۋعا قۇقىعىن بۇزۋ بولىپ تابىلادى دەپ مالىمدەدى.

Abai.kz