قر پارلامەنتى سەناتىندا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە توتەنشە جاعداي ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قر زاڭ جوباسى قابىلداندى، - دەپ حابارلايدى قازاقپارات.

«زاڭ جوباسى مەملەكەت باسشىسىنىڭ «الەۋمەتتىك-ەكونوميكالىق تۇراقتىلىقپەن قامتاماسىز ەتۋ شارالارى تۋرالى» جارلىعىن ورىنداۋ ماقساتىندا ازىرلەنگەن. زاڭنىڭ ماقساتى - توتەنشە جاعداي كەزەڭىندە الەۋمەتتىك-ەكونوميكالىق تۇراقتىلىقپەن قامتاماسىز ەتۋ ءۇشىن جەدەل شارالار قابىلداۋ مۇمكىندىگى»، - دەدى قر ۇلتتىق ەكونوميكا ءمينيسترى رۋسلان دالەنوۆ سەناتتىڭ پلەنارلىق وتىرىسىندا.

ونىڭ ايتۋىنشا، زاڭ جوباسى توتەنشە جاعداي كەزەڭىندەگى مەملەكەتتىك باسقارۋدىڭ جۇمىس ىستەۋ مەحانيزمىن انىقتايدى. ول ءۇشىن «توتەنشە جاعداي تۋرالى» جانە «قۇقىقتىق اكتىلەر تۋرالى» زاڭدارعا تۇزەتۋلەر ەنگىزىلەدى.

اتاپ ايتقاندا، «توتەنشە جاعداي تۋرالى» زاڭ تج كەزەڭىندەگى زاڭنامانىڭ جەكەلەگەن سالالارىنىڭ ءىس-ارەكەتىنىڭ ەرەكشەلىگىمەن تولىقتىرىلادى.

زاڭ جوباسى ارقىلى ءبۇل تىزىمدە 14 سالا قامتىلعان:

- سالىق، بيۋدجەت، كەدەن، بانك، ەڭبەك تۋرالى جانە مونوپولياعا قارسى زاڭنامالار;

- دەنساۋلىق، مەملەكەتتىك ساتىپ الۋلار، ۆاليۋتالىق رەتتەۋ تۋرالى زاڭنامالار; -

الەۋمەتتىك قورعاۋ، مەملەكەتتىك مۇلىك جىنە مەملەكەتتىك باقىلاۋ مەن قاداعالاۋ سالالارىنداعى زاڭناما;

- ەلدىڭ حالىقارالىق مىندەتتەمەلەرىن جۇزەگە اسىرۋ زاڭناماسى.

«توتەنشە جاعداي كەزىندە قابىلدانعان قۇقىقتىق اكتىلەر ونىڭ مەرزىمى بىتكەنشە جۇمىس ىستەيدى. بۇل تالاپ ارنايى مەرزىم بەلگىلەنگەن اكتىلەرگە جۇرمەيدى. «قۇقىقتىق اكتىلەر تۋرالى» زاڭعا نورماتيۆتىك قۇقىقتىق اكتىنىڭ نەمەسە ونىڭ جەكەلەگەن نورمالارى ارەكەتىنىڭ «توتەنشە جاعداي تۋرالى» زاڭ تارتىبىمەن توقتاتىلاتىنى تۋرالى تۇزەتۋ ۇسىنىلدى. جالپى، كورسەتىلگەن تۇزەتۋلەر توتەنشە جاعداي كەزەڭىندە الەۋمەتتىك-ەكونوميكالىق تۇراقتىلىقپەن قامتاماسىز ەتۋگە باعىتتالعان»، - دەدى رۋسلان دالەنوۆ.

Abai.kz