قر پارلامەنتىنىڭ سەناتى «قازاقستان رەسپۋبليكاسىندا بەيبiت جينالىستاردى ۇيىمداستىرۋ جانە وتكىزۋ ءتارتىبى تۋرالى» قازاقستان رەسپۋبليكاسى زاڭى جوباسىنا بىرقاتار تۇزەتۋ ەنگىزدى.

«زاڭ جوباسىن تالقىلاۋ بارىسىندا بەيبىت جينالىستاردى ۇيىمداستىرۋ جانە وتكiزۋ ءۇشiن ارنايى ورىنداردى بەلگiلەۋ جانە ونىڭ سانىنا قاتىستى سۇراقتار بولدى، ول قوعامدا دا كەڭiنەن تالقىعا ءتۇستi. كوميتەت استانانىڭ، رەسپۋبليكالىق ماڭىزى بار جانە وبلىس ورتالىقتارى بولىپ ەسەپتەلەتiن قالالار مەن ولاردىڭ قۇرامىنا كiرەتiن اۋدانداردا ارنايى ورىندار مiندەتتi تۇردە ورتالىقتا ورنالاسۋى جانە ولاردىڭ سانى ۇشەۋدەن كەم بولماۋى تيiس دەگەن پiكiردە. بۇل جينالىستار مەن ميتينگiگە، توسقاۋىل قويۋعا قاتىسۋشىلاردىڭ «كورiنۋ جانە ەستiلۋ» جانە ولاردى وتكiزۋ مۇمكiندiگiن ارتتىرادى»، - دەدى سەناتتىڭ جالپى وتىرىسىندا زاڭ جوباسى بويىنشا بايانداما جاساعان سەناتور سارسەنباي ەڭسەگەنوۆ.

ونىڭ ايتۋىنشا، اتالعان ۇسىنىس زاڭ جوباسىنىڭ وسى ماسەلەنi رەتتەيتiن 9-بابىنىڭ 2-شi تارماعىنا قوسىمشا ەكiنشi بولiك رەتiندە ەنگiزiلگەن. سونىمەن بىرگە، زاڭ جوباسىنىڭ بەيبiت جينالىستار وتكiزۋدەن باس تارتۋ نەگiزدەرiن ايقىندايتىن 14-باپتىڭ 1 تارماعىنىڭ 10-تارماقشاسىن الىپ تاستاۋ ۇسىنىلادى.

«بiزدiڭ ويىمىزشا بەيبiت جينالىستار وتكiزۋ كەزiندە تiرشiلiكتi قامتاماسىز ەتۋگە بايلانىستى ماسەلەلەر ارنايى ورىنداردى بەلگiلەگەن كەزدە قارالىپ ەسكەرiلۋi كەرەك. بەيبiت جينالىستاردى توقتاتۋ نەگiزدەرi مەن ءتارتiبi 18-باپتا كوزدەلگەن. وسى باپتىڭ 1-تارماعىنىڭ 3-تارماقشاسىنا سايكەس بەيبiت جينالىستارعا قاتىسۋشىلاردىڭ كۇش قولدانۋ ارەكەتتەرiن جاساۋى، سونداي-اق بەيبiت جينالىستاردى ۇيىمداستىرۋشىنىڭ بەيبiت جينالىستى ۇيىمداستىرۋ جانە وتكiزۋ تارتiبiنە قاتىستى وسى زاڭىنىڭ تالاپتارىن بۇزۋى بەيبiت جينالىستى توقتاتۋعا نەگiز بولادى»، - دەدى سەناتور.

س.ەڭسەگەنوۆتىڭ پايىمىنشا، بۇل قوعامدىق ءتارتىپ، دەنساۋلىق ساقتاۋ، باسقا ادامداردىڭ قۇقىقتارى مەن بوستاندىقتارىن قورعاۋعا باعىتتالعان ماڭىزدى نورما. ونىڭ زاڭدا ورىن الۋى ءجون.

«دەگەنمەن، قاتىسۋشى نەمەسە قاتىسۋشىلار تاراپىنان زاڭنىڭ بۇزىلۋى جويىلعان جاعدايدا بەيبiت جينالىستاردى جالعاستىرۋعا مۇمكiندiك بەرۋ دۇرىس دەگەن ويدامىز. سوندىقتان جوعارىدا اتالعان نورمانى الىپ تاستاۋ جانە 18-باپتى جاڭا 4 تارماقپەن تولىقتىرۋ ۇسىنىلادى»، - دەدى ول.

وسىدان كەيىن دەپۋتاتتار اتالعان زاڭ جوباسىنا سەنات ەنگىزگەن تۇزەتۋلەردى ماجىلىسكە جىبەرۋ تۋرالى قاۋلىعا ءبىراۋىزدان داۋىس بەردى.

Abai.kz