بۇعان دەيىن اقپارات جانە قوعامدىق دامۋ ۆيتسە-ءمينيسترى قىزمەتىن اتقارعان نۇرگۇل ماۋبەرلينوۆا جاڭا لاۋازىمعا يە بولدى،- دەپ حابارلايدى اقوردا سايتى. 

- مەملەكەت باسشىسىنىڭ وكىمىمەن نۇرگۇل وسەربايقىزى ماۋبەرلينوۆا قازاقستان رەسپۋبليكاسى پرەزيدەنتى اكىمشىلىگىنىڭ ىشكى ساياسات ءبولىمىنىڭ مەڭگەرۋشىسى قىزمەتىنە تاعايىندالدى،- دەلىنگەن حابارلامادا.

ايتا كەتەيىك، نۇرگۇل ماۋبەرلينوۆا 1973 جىلى قاراعاندى وبلىسىندا دۇنيەگە كەلگەن.

1992 ج. – ساران پەداگوگيكالىق ۋچيليششەسىن بىتىرگەن. 2000 ج. – ە. بوكەتوۆ اتىنداعى قاراعاندى مەملەكەتتىك ۋنيۆەرسيتەتىن اياقتاعان. 2006 ج. – قازتۇتىنۋ وداعىنىڭ قاراعاندى ەكونوميكالىق ۋنيۆەرسيتەتىن تامامداعان.

ول ەڭبەك جولىن 1992 جىلى قاراعاندى وبلىسىنىڭ بالاباقشاسىندا تاربيەشى بولىپ باستاعان، كەيىن ساران قالاسىنداعى №2 ورتا مەكتەپتە قازاق ءتىلى مەن تاريح ءپانىنىڭ مۇعالىمى بولعان.

2006-2008 جج. – قر مادەنيەت جانە اقپارات مينيسترلىگىنىڭ اقپارات جانە مۇراعات كوميتەتىنىڭ باس مامانى، باس ساراپشى.

2008-2012 جج. – قر پرەمەر-ءمينيسترى كەڭسەسىنىڭ اقپاراتتىق-ساراپتامالىق ورتالىعىنىڭ باس كەڭەسشىسى.

2012-2016 جج. – قر پرەزيدەنتى جانىنداعى «ورتالىق كوممۋنيكاتسيالار قىزمەتى» ديرەكتورىنىڭ ورىنباسارى، قر پارلامەنتى ءماجىلىسىنىڭ كەڭەسشىسى.

2016-2018 جج. – قر اقپارات جانە كوممۋنيكاتسيالار قىزمەتىنىڭ اقپارات كوميتەتىنىڭ توراعاسى.

2018 جىلدىڭ ساۋىرىنەن 2019 جىلدىڭ ساۋىرىنە دەيىن – قر اقپارات جانە كوممۋنيكاتسيالار ۆيتسە-ءمينيسترى.

2019 جىلدىڭ 4 ساۋىرىنەن - قازاقستان رەسپۋبليكاسى اقپارات جانە قوعامدىق دامۋ ۆيتسە-ءمينيسترى بولدى.

«قازاقستان رەسپۋبليكاسىنىڭ تاۋەلسىزدىگىنە 20 جىل» مەدالى، «قۇرمەت» وردەنىمەن ماراپاتتالعان.

Abai.kz