قازاقستان مارشال حاليفا حافتاردى قولداۋ ماقساتىندا ليۆياعا اۋە جولدارى ارقىلى جاسىرىن قارۋ-جاراق تاسىمالىن ۇيىمداستىرۋعا قاتىستى دەپ حابارلايدى azattyq-ruhy.kz.

بۇل تۋرالى وسى ايدا بۇۇ قاۋىپسىزدىك كەڭەسىندە بايانداما جاساعان ەكى ديپلوماتتىڭ قۇپيا ەسەبىندە ايتىلعان. مۇنى ەكى قازاقستاندىق اۋەكومپانيا جۇزەگە اسىرعان.

حالىقارالىق ۇيىم بۇۇ-نىڭ ليۆياعا قارسى سانكتسيالارىنا قاراماستان، قاڭتاردىڭ باسىندا وسى ەلگە 37 رەيس جاسالعانىن مالىمدەپ، تەرگەۋ جۇرگىزىپ جاتىر.

«ساراپشىلار توبى بىرىككەن اراب امىرلىكتەرىنەن جانە ولاردىڭ اۆيابازاسىنان ەريتريداعى حافتار باسقاراتىن اەرودرومدارعا قۇپيا رەيستەر سانىنىڭ كوبەيۋىن انىقتادى»،- دەلىنگەن حابارلامادا.

باياندامادان ۇزىندىلەر Bloomberg جۋرناليستەرىنىڭ قولىنا تۇسكەن. ديپلوماتتاردىڭ ايتۋىنشا، بۇل رەيستەردىڭ كەيبىرىن ەكى قازاقستاندىق اۋەكومپانيا جۇزەگە اسىرعان، ولار ۇلكەن كولەمدەگى قارۋ-جاراقتى تاسىمالداعان.

«رەيستەر اقش-تىڭ، قازاقستان مەن بريتانيادا تىركەلگەن كومپانيالارىنىڭ اسكەري جەلىسى ارقىلى جۇزەگە اسىرىلدى», - دەيدى ديپلوماتتار.

ەسكە سالساق، 2011 جىلى ليۆيا ليدەرى مۋاممار كاددافيدىڭ بيلىكتەن كەتۋى مەن ولىمىنەن كەيىن ليۆيادا قوس بيلىك قۇرىلدى. حالىق سايلاعان پارلامەنت شىعىستا، ال باتىستا - فايەز سارراج باسقاراتىن بۇۇ مەن ەۋروپالىق وداقتىڭ قولداۋىمەن قۇرىلعان وتپەلى ۇلتتىق كەڭەس وتىرادى. ەلدىڭ شىعىس بولىگىنىڭ بيلىگى تريپوليگە تاۋەلسىز جانە ليۆيانىڭ ۇلتتىق اسكەرىمەن ىنتىماقتاسادى. حاليفا حافتار 2019 جىلدىڭ ساۋىرىنەن بەرى ءتريپوليدى باسىپ الۋعا اركەت ەتىپ جاتىر.

Abai.kz