ەندى قازاقستاندىق جۇرگىزۋشىلەر وزىمەن بىرگە تەك جەكە كۋالىگىن الىپ جۇرسە جەتكىلىكتى. سەبەبى كولىك يەسى تۋرالى قالعان مالىمەتتەردى پوليتسەيلەر پلانشەتتەن كورە الادى. بۇل تۋرالى ىشكى ىستەر ءمينيسترى ەرلان تۇرعىمباەۆ ايتتى،- دەپ حابارلايدى Tengrinews.kz.

ء"بىز جۇرگىزۋشىلەردىڭ وزىمەن بىرگە قۇقىق بەلگىلەۋشى قۇجاتتاردى الىپ جۇرۋگە مىندەتتەلمەيتىن نورما ەنگىزگىمىز كەلەدى. جەكە كۋالىك قانا بولسا جەتكىلىكتى، سول قۇجات ارقىلى پلانشەتتەن كولىك يەسىنە قاتىستى مالىمەتتى، ول كولىككە قانشا سەنىمحات جازىلعانى، ساقتاندىرۋ قۇجاتى قاشان اياقتالاتىنى، تەحنيكالىق تەكسەرۋدەن قاشان وتكەنى جانە قانشا ايىپپۇلى بارى كورىنەدى", - دەدى مينيستر ءماجىلىس وتىرىسىندا.

سونداي-اق، تۇرعىمباەۆتىڭ ايتۋىنشا، پوليتسەيلەر قولداناتىن پلانشەتتەر كوشەلەردە ورناتىلعان ۆيدەوكامەرالارمەن بايلانىستا بولادى.

مينيستر مۇنداي جۇيەنىڭ ەۋروپانىڭ بىرنەشە ەلىندە بار ەكەنىن ايتادى.

"بۇل تەك قازاقستان اۋماعىندا ىسكە اساتىن نورما، باسقا مەملەكەتكە بارعان كەزدە، ارينە، قۇقىق بەلگىلەۋشى قۇجاتتار بولۋى كەرەك", - دەدى مينيستر.

Abai.kz