الاش تاريحىنىڭ اشىلماعان اقتاڭداق بەتتەرى جەتەرلىك. قازاقتىڭ باسىنا قارا بۇلت ۇيىرگەن قىزىلداردىڭ قىرعىنىنان قىناداي قىرىلعان الاشتىڭ ارىستان ۇلدارىنىڭ جانازاسىن شىعارىپ، سۇيەگىن ارۋلاپ جەرلەپ، ءبىر ۋىس توپىراق سالىپ، توبەدە جاتار تومپەشىگىن كورە الماۋ - ۇلت جۇرەگىندەگى جازىلماس جارا.

اسپانىندا ازاتتىقتىڭ كۇنى ويناعان بۇگىنگى ۇرپاق الاشتى تىنباي زەرتتەپ جاتىر. سول ەڭبەكتىڭ كورىنىسى - سوڭعى جىلدارى الاش زيالىلارىنىڭ جامباسى تيگەن جەرلەر تۋرالى تىڭ دەرەكتەر تابىلىپ جاتىر.

2009 جىلى ءاليحان بوكەيحان مەن نىعمەت نۇرماقۇلىنىڭ سۇيەكتەرىنىڭ كۇلى ماسكەۋدەگى دون قابىرستانىنداعى باۋىرلاستار زيراتىندا جەرلەنگەنىن الاشتانۋشى، جۋرناليست بولات ءمۇرسالىم مەن نىعمەت نۇرماقوۆتىڭ نەمەرەسى امان نۇرماقوۆ «ازاتتىق راديوسىنا» حابارلاعان ەدى. ال، الاشتانۋشى عالىم، «ازاتتىق» ءتىلشىسى سۇلتانحان اققۇلۇلى دون قورىمىنىڭ ديرەكتورى الەكساندر دەمەنكوۆپەن حابارلاسىپ، قوس ارىستىڭ دەنەسىنىڭ كۇلى دون قابىرستانىندا جەرلەنگەنىن راستادى. ءاليحان مەن نىعمەتتىڭ 1937 جىلى 27 قىركۇيەكتە اتۋ جازاسىنا كەسىلىپ، اتىلعاننان كەيىن سۇيەكتەرى اتالعان زيراتقا كوپ اداممەن بىرگە ءبىر شۇقىرعا كومىلگەنى جايلى جازۋشى قوعاباي سارسەكەەۆ تە جازعان بولاتىن. مىنە، وسى ازاماتتاردىڭ قاجىرلى ەڭبەگىنىڭ ارقاسىندا الاش جۇرتى ارىستارىنىڭ سۇيەگىنىڭ قايدا جاتقانىن ءبىلىپ ەدى.

الاش تاريحىنىڭ اشىلماعان اقتاڭداق بەتتەرى جەتەرلىك. قازاقتىڭ باسىنا قارا بۇلت ۇيىرگەن قىزىلداردىڭ قىرعىنىنان قىناداي قىرىلعان الاشتىڭ ارىستان ۇلدارىنىڭ جانازاسىن شىعارىپ، سۇيەگىن ارۋلاپ جەرلەپ، ءبىر ۋىس توپىراق سالىپ، توبەدە جاتار تومپەشىگىن كورە الماۋ - ۇلت جۇرەگىندەگى جازىلماس جارا.

اسپانىندا ازاتتىقتىڭ كۇنى ويناعان بۇگىنگى ۇرپاق الاشتى تىنباي زەرتتەپ جاتىر. سول ەڭبەكتىڭ كورىنىسى - سوڭعى جىلدارى الاش زيالىلارىنىڭ جامباسى تيگەن جەرلەر تۋرالى تىڭ دەرەكتەر تابىلىپ جاتىر.

2009 جىلى ءاليحان بوكەيحان مەن نىعمەت نۇرماقۇلىنىڭ سۇيەكتەرىنىڭ كۇلى ماسكەۋدەگى دون قابىرستانىنداعى باۋىرلاستار زيراتىندا جەرلەنگەنىن الاشتانۋشى، جۋرناليست بولات ءمۇرسالىم مەن نىعمەت نۇرماقوۆتىڭ نەمەرەسى امان نۇرماقوۆ «ازاتتىق راديوسىنا» حابارلاعان ەدى. ال، الاشتانۋشى عالىم، «ازاتتىق» ءتىلشىسى سۇلتانحان اققۇلۇلى دون قورىمىنىڭ ديرەكتورى الەكساندر دەمەنكوۆپەن حابارلاسىپ، قوس ارىستىڭ دەنەسىنىڭ كۇلى دون قابىرستانىندا جەرلەنگەنىن راستادى. ءاليحان مەن نىعمەتتىڭ 1937 جىلى 27 قىركۇيەكتە اتۋ جازاسىنا كەسىلىپ، اتىلعاننان كەيىن سۇيەكتەرى اتالعان زيراتقا كوپ اداممەن بىرگە ءبىر شۇقىرعا كومىلگەنى جايلى جازۋشى قوعاباي سارسەكەەۆ تە جازعان بولاتىن. مىنە، وسى ازاماتتاردىڭ قاجىرلى ەڭبەگىنىڭ ارقاسىندا الاش جۇرتى ارىستارىنىڭ سۇيەگىنىڭ قايدا جاتقانىن ءبىلىپ ەدى.

ال، كۇنى كەشە «اباي.كز» اقپاراتتىق پورتالىنىڭ ەلەكتروندى پوشتاسىنا جانبولات بايمۇرىنوۆ دەگەن ازامات ءاليحان نۇرمۇحامەدۇلى مەن نىعمەت نۇرماقۇلى جەرلەنگەن باۋىرلاستار زيراتىنىڭ باسىنا ەسكەرتكىش تاقتا قويىلعانىن ايتىپ، تومەندەگى قىسقا حاتپەن سۋرەتتەرىن قوسىپ سالىپ جىبەرىپتى.

«2011 جىلى 28 قازاندا ءاليحان بوكەيحان مەن نىعمەت نۇرماقۇلىنىڭ باسىنا ەسكەرتكىش-تاقتا ورناتىلدى. قازاق حالقىنىڭ 1937 جىلى 27 قىركۇيەكتە اتىلعان ايبىندى ۇلدارى ماسكەۋ قالاسىنداعى دونسكوە زيراتىندا №1 ورتاق قابىرگە جەرلەنگەن. ەكى ارىسقا قويىلعان بۇل ەسكەرتكىش - بابالارعا ۇرپاقتارىنان تاعزىم».

قارقارالى توپىراعىندا تۋىپ، ماسكەۋدە توپىراق بۇيىرعان ەكى ارىستىڭ بەلگى-تاقتاسىنا اتى-جونىمەن قاتار، قارقارالىدان شىققان جانە ءبىر ۇلت اقىنى قاسىم امانجولوۆتىڭ ءبىر شۋماق ولەڭى جازىلىپتى

ءبىز وسىنداي ونەگەلى دە، ساۋاپتى ءىس اتقارعان ازاماتتارعا ءتاڭىرى جارىلقاسىن ايتامىز. دەگەنمەن، قۇلپىتاس-بەلگى ورناتقان ازاماتتاردىڭ (نەمەسە ۇيىمنىڭ) كىم ەكەنىن بىلە المادىق. سول ءۇشىن دە دون زيراتىنا ەسكەرتكىش تاقتا ورناتقان ادامدار رەداكتسيامىزعا حابارلاسسا دەگەن ءوتىنىش بار. ۇلىلارىن ۇلىقتاعان ەلدىڭ ۇرپاقتارىنىڭ باس يەر ءىسىن ەگجەي-تەگجەيلى جۇرتقا جاريا ەتپەك نيەتتەمىز.

رەداكتسيا تەلەفوندارى: 8 727 396 90 71 8 705 966 37 44

«اباي-اقپارات»