اتىراۋ قالاسىندا كارانتين رەجيمى 8 ماۋسىمعا دەيىن ۇزارتىلدى، - دەپ حابارلايدى tengrinews.kz.

اتىراۋ وبلىسى باس مەملەكەتتىك سانيتارلىق دارىگەرىنىڭ 10 مامىرداعى قاۋلىسىنا تولىقتىرۋلار ەنگىزىلدى.

"اتىراۋ قالاسى اۋماعىندا سپوراديالىق جاعدايلاردى تىركەۋدى جانە سوڭعى جەتى كۇندە اتىراۋ وبلىسىنىڭ تۇرعىندارى اراسىندا COVID-19-دىڭ ءوسۋ دەڭگەيىن ەسكەرە وتىرىپ، قاۋلى ەتەمىن:

- اتىراۋ وبلىسى ايماعىندا شەكتەۋ شارالارى جانە اتىراۋ قالاسى، جىلىوي اۋدانى جانە ماقات اۋلىنداعى كارانتين رەجيمىن 2020 جىلدىڭ 8 ماۋسىمى ساعات 07:00-گە دەيىن ۇزارتىلسىن. 2020 جىلدىڭ 25 مامىرى ساعات 07:00-دەن باستاپ 8 ماۋسىم ساعات 07:00-گە دەيىن اتىراۋ قالاسىنداعى كارانتين ايماعىن اتىراۋ وبلىسى جەدەل شتابى بەلگىلەگەن بلوكبەكەتتەردەن ءوتۋ ەرەجەسىن قامتيتىن ايماقتان بولەك جەرلەردەن وتۋگە تىيىم سالىنادى.

- جەرگىلىكتى تۇرعىندار تۇرعىلىقتى جەرىنەن 2 مەتر الەۋمەتتىك قاشىقتىقتى ساقتاي وتىرىپ، ماسكا تاعىپ شىعۋىنا عانا رۇقسات بەرىلسىن".

ەسكە سالايىق، قازاقستاندا كوروناۆيرۋس جۇقتىرعانداردىڭ سانى 8 مىڭنان استى. ونىڭ ىشىندە اتىراۋ وبلىسىندا COVID-19 جۇقتىرعان 901 ادامنىڭ 224-ءى اۋرۋدان ايىعىپ شىققان.

Abai.kz