پاۆلوداردا جاڭا وقۋ جىلىندا بارلىق مەكتەپتەردە قازاق سىنىپتارى اشىلادى،- دەپ حابارلايدى pavlodarnews.kz.

پاۆلودار قالاسى ءبىلىم بەرۋ ءبولىمى باسشىسىنىڭ ورىنباسارى قۋانىش قىدىراليننىڭ ايتۋىنشا، بۇگىنگى كۇنى قالادا قازاق سىنىپتارى جوق 4 مەكتەپ بار. ولار: № 23, 16, 34 جانە 13 جالپى ورتا ءبىلىم بەرۋ مەكتەپتەرى ەكەن.

- جاڭا وقۋ جىلىنان باستاپ وسى مەكتەپتەردە قازاق سىنىپتارى اشىلادى. بۇل ماقساتقا قوسىمشا باستاۋىش سىنىپ مۇعالىمدەرى جۇمىسقا قابىلدانادى. وسى ورايدا، اتا-انالار بالالارىن قازاق تىلىندە وقىتۋعا نيەت بىلدىرسە ەكەن دەگەن سۇرانىسىمىز بار. سەبەبى، كوپتەگەن اتا-انالار ءوزىمىزدىڭ ءتىلىمىز شورقاقتاۋ، بالانى وقىتۋعا قيىن بولادى دەگەن ءتۇرلى سىلتاۋلارمەن بالالارىن ورىس سىنىپتارىنا بەرەدى. اشىعىن ايتقاندا، اتا-انالار تاراپىنان جوعارى دەڭگەيدە سۇرانىس بار دەپ ايتا المايمىز،-دەيدى ق.قىدىرالين.

ءبولىم باسشىسىنىڭ ورىنباسارى قازاق سىنىپتارى اشىلاتىن مەكتەپتەردە ۇگىت-ناسيحات جۇمىستارى جۇرگىزىلىپ جاتقانىن اتاپ ءوتتى. وبلىس ورتالىعىندا بارلىعى 43 جالپى ورتا ءبىلىم بەرۋ مەكتەبى بار.

ونىڭ ىشىندە بىرەۋى - جەكە مەنشىك، 31-ءى - ارالاس، سەگىزى - قازاق جانە تورتەۋى - ورىس تىلىندە ءبىلىم بەرەدى.

Abai.kz