1 ماۋسىمنان باستاپ رەسپۋبليكا اۋماعىنداعى بارلىق بلوك-بەكەتتەر الىنادى. بۇل تۋرالى قر يدم، كولىك كوميتەتى توراعاسىنىڭ ورىنباسارى جانىبەك تايجانوۆ مالىمدەدى.

«ۆەدومستۆوارالىق كوميسسيانىڭ 1 ماۋسىمنان قالالار اراسىندا بلوكپوستاردى الىپ تاستاۋ شەشىمىنە سايكەس، 5 ماۋسىمنان تاسىمالداۋ شارالارىن جانداندىرۋ بويىنشا جۇمىستار ىسكە اسىرىلادى»، - دەدى تايجانوۆ.

جالپى ەل اۋماعىندا 313 حالىقارالىق باعىت جۇمىس جاسايدى ەكەن. جولاۋشىلاردى اۆتوبۋسپەن تاسىمالداۋ قر باس سانيتار دارىگەرىنىڭ 2020 جىلعى 10 مامىرداعى تالاپتارىن ەسكەرە وتىرىپ، ءتيىستى الگوريتم بويىنشا جاسالادى.

ول بويىنشا: جولاۋشىلاردى 1 مەتر قاشىقتىقتا وتىرعىزۋ، سوڭعى ايالدامادا كولىكتەردى دەزينفەكتسيالاۋ، جولاۋشىلاردى بەتپەردەمەن وتىرعىزۋ، جۇرگىزۋشىلەردى قولعاپتار، بەتپەردەلەرمەن تولىق قامتاماسىز ەتۋ ت.ب. مىندەتتەلەدى.

Abai.kz