بەلارۋcتە سايلاۋ الدىندا جاعداي ۋشىعىپ جاتىر. بۇل تۋرالى ىشكى ىستەر ءمينيسترىنىڭ ءبىرىنشى ورىنباسارى، كريمينالدىق ميليتسيا باسشىسى گەننادي كازاكەۆيچ "بەلارۋس 1" تەلەارناسىنداعى ەفيردە ايتتى.

"سايلاۋ الدىندا ەلدەگى جاعدايدىڭ ۋشىعىپ جاتقانىن حابارلايمىز. مۇندا قانداي دا ءبىر قوعامدىق ءتارتىپ بۇزۋ مەن سايلاۋ زاڭناماسىن بۇزۋ تۋرالى ايتىلىپ تۇرعان جوق. كوبىنە ءبىز الدىن الا جوسپارلانعان، دايىندالعان اكتسيالاردى بايقاپ وتىرمىز", - دەدى گەننادي كازاكەۆيچ.

ونىڭ ايتۋىنشا، سوڭعى ۋاقىتتا بەلگىسىز بىرەۋلەر پارلامەنتتە سايلاۋ وتكىزگەن سايلاۋ كوميسسياسىنىڭ توراعالارىن قورقىتىپ ءجۇر. ولاردىڭ وتباسىلارى مەن وتباسى مۇشەلەرىن دە قورقىتىپ ءجۇر دەيدى.

ءىىم ءبىرىنشى ورىنباسارى ميليتسيادا مۇنداي قورقىتۋلاردى اۋىزدىقتايتىن قۇرال جەتكىلىكتى ەكەنىن ەسكەرتتى.

29 مامىردا قۇقىق قورعاۋ ورگاندارىنىڭ قىزمەتكەرلەرى گرودنو الاڭىندا قول جيناۋ ءۇشىن بولعان پيكەت كەزىندە بلوگەر سەرگەي تيحانوۆسكي مەن باسقا توعىز ادامدى ۇستادى. ۇستاۋ كەزىندە جينالعاندار بلوگەردى پوليتسيادان يتەرە باستادى. ۇرىس باستالدى. سودان كەيىن ءتارتىپ ساقشىلارى پايدا بولىپ، بلوگەردى ۇستادى.

TUT.BY مالىمەتىنشە، كەشە، 31 مامىردا بەلارۋستە پرەزيدەنت سايلاۋىنا قاتىسقىسى كەلەتىن كاديداتتاردى جيناۋ ءۇشىن وبلىستا جانە قالالاردا، اۋدان ورتالىقتارىندا حالىق ءوز كانديداتتارىنا قول قويدىرۋ ءۇشىن كوشەگە شىققان. ۇزىن-سونار كەزەك پايدا بولعان.

مينسكىدە، وبلىس قالالارى مەن وبلىس ورتالىقتارىندا، بەلورۋستار وپپوزيتسيا ۇمىتكەرلەرىنە قول قويۋ ءۇشىن كوشەگە شىقتى. پوليتسيا حالىقتى تاراتۋدى سۇرادى.

ناتيجەسىندە بىرنەشە بەلسەندى ميليتسياعا جەتكىزىلگەن.

ايتا كەتەيىك، بەلارۋستە سايلاۋ 9 تامىزعا بەلگىلەندى.

Abai.kz