Беларуcьте сайлау алдында жағдай ушығып жатыр. Бұл туралы ішкі істер министрінің бірінші орынбасары, криминалдық милиция басшысы Геннадий Казакевич "Беларусь 1" телеарнасындағы эфирде айтты.

"Сайлау алдында елдегі жағдайдың ушығып жатқанын хабарлаймыз. Мұнда қандай да бір қоғамдық тәртіп бұзу мен сайлау заңнамасын бұзу туралы айтылып тұрған жоқ. Көбіне біз алдын ала жоспарланған, дайындалған акцияларды байқап отырмыз", - деді Геннадий Казакевич.

Оның айтуынша, соңғы уақытта белгісіз біреулер парламентте сайлау өткізген сайлау комиссиясының төрағаларын қорқытып жүр. Олардың отбасылары мен отбасы мүшелерін де қорқытып жүр дейді.

ІІМ бірінші орынбасары милицияда мұндай қорқытуларды ауыздықтайтын құрал жеткілікті екенін ескертті.

29 мамырда құқық қорғау органдарының қызметкерлері Гродно алаңында қол жинау үшін болған пикет кезінде блогер Сергей Тихановский мен басқа тоғыз адамды ұстады. Ұстау кезінде жиналғандар блогерді полициядан итере бастады. Ұрыс басталды. Содан кейін тәртіп сақшылары пайда болып, блогерді ұстады.

TUT.BY мәліметінше, кеше, 31 мамырда Беларусьте президент сайлауына қатысқысы келетін кадидаттарды жинау үшін облыста және қалаларда, аудан орталықтарында халық өз кандидаттарына қол қойдыру үшін көшеге шыққан. Ұзын-сонар кезек пайда болған.

Минскіде, облыс қалалары мен облыс орталықтарында, белорустар оппозиция үміткерлеріне қол қою үшін көшеге шықты. Полиция халықты таратуды сұрады.

Нәтижесінде бірнеше белсенді милицияға жеткізілген.

Айта кетейік, Беларусьте сайлау 9 тамызға белгіленді.

Abai.kz