الماتىنىڭ الاتاۋ اۋدانىندا ولىكتەردى ورتەيتىن كرەماتوري سالىنادى. قازىر قالا اكىمدىگى كرەماتوري قۇرىلىسىنىڭ جوبالىق-سمەتالىق قۇجاتتاماسىن ازىرلەۋگە تەندەر جاريالاعان. بۇل تۋرالى informburo.kz سايتى جازىپتى. 

تەحنيكالىق شارتتارعا سايكەس، كرەماتوري ەكى پەشتەن جانە ءبىر زالدان تۇرادى. ال، جوبانىڭ سمەتالىق قۇجاتىن دايىنداۋعا 46,8 ملن. تەڭگە ءبولىنىپتى.

كرەماتوري الاتاۋ اۋدانىنداعى جاڭا ءمايىتحانا عيماراتىنىڭ جانىندا سالىنباق كورىنەدى. بارلىق جۇمىستار جىل سوڭىنا دەيىن اياقتالادى دەپ جوسپارلانعان.

ايتا كەتەيىك، قازاقستاندا كرەماتوري سالۋ تۋرالى قىزۋ تالقى 1987 جىلدان بەرى جالعاسىپ كەلەدى.

2011 جىلى ارنايى جەرلەۋ قىزمەتتەرى كومبيناتى جشس كرەماتوري جوباسىن جاساپ، قۇرىلىستى باستاۋعا دايىن شەتەلدىك كومپانيالارمەن كەلىسسوزدەر جۇرگىزدى. بىراق جوبا توقتاپ قالعان..

بۇعان دەيىن كەيبىر قازاقستاندىقتار ماسكەۋ، چەليابينسك، بارناۋل جانە نوۆوسيبيرسك قالالارىنداعى كرەماتسياعا جۇگىنىپ كەلگەن كورىنەدى. ولاردىڭ قىزمەتى  30-100 مىڭ تەڭگە ارالىعىندا بولعان ەكەن.

Abai.kz