Алматының Алатау ауданында өліктерді өртейтін крематорий салынады. Қазір қала әкімдігі крематорий құрылысының жобалық-сметалық құжаттамасын әзірлеуге тендер жариялаған. Бұл туралы informburo.kz сайты жазыпты. 

Техникалық шарттарға сәйкес, крематорий екі пештен және бір залдан тұрады. Ал, жобаның сметалық құжатын дайындауға 46,8 млн. теңге бөлініпті.

Крематорий Алатау ауданындағы жаңа мәйітхана ғимаратының жанында салынбақ көрінеді. Барлық жұмыстар жыл соңына дейін аяқталады деп жоспарланған.

Айта кетейік, Қазақстанда крематорий салу туралы қызу талқы 1987 жылдан бері жалғасып келеді.

2011 жылы арнайы жерлеу қызметтері комбинаты ЖШС крематорий жобасын жасап, құрылысты бастауға дайын шетелдік компаниялармен келіссөздер жүргізді. Бірақ жоба тоқтап қалған..

Бұған дейін кейбір қазақстандықтар Мәскеу, Челябинск, Барнаул және Новосибирск қалаларындағы кремацияға жүгініп келген көрінеді. Олардың қызметі  30-100 мың теңге аралығында болған екен.

Abai.kz