قارجى ءمينيسترى قازاقستاننىڭ قارىزى تۋرالى ايتىپتى. قاۋىپسىز دەڭگەيدە دەپتى ەرۇلان جاماۋباەۆ. ءساۋىردىڭ سوڭىنداعى ستاتيستيكا بايىنشا، مەملەكەتىك قارىز سوماسى -  17,7 تريلليون تەڭگە نەمەسە ءجىو-ءنىڭ 25,5 پايىزى.

مينيستر جاماۋباەۆ بۇل دەرەكتەردى ماجىلىستەگى وتىرىستا ايتقان. 2019 جىلعى بيۋدجەت قارجىسىن يگەرۋ تۋرالى ەسەپ-قيسابىن جاساپ، بايانداما جاساعان.

«بيۋدجەت تاپشىلىعى 1,3 تريلليون تەڭگە، ياعني، ءجىو-گە شاققاندا 1,9 پروتسەنتتى قۇرادى. قازاقستاننىڭ بورىشتارى قاۋىپسىز دەڭگەيدە ساقتالىپ وتىر»، - دەپتى.

ەندى ساندار: شىعىستار 99,9 پايىزعا يگەرىلىپ، 12 تريلليون تەڭگەگە جەتكەن. بۇل  الەۋمەتتىك كورسەتكىش 2018 جىلمەن سالىستىرعاندا 22 پايىزعا كوپ ەكەن. شىعىستار 5,2 تريلليونعا كوبەيگەن. بىلايشا ايتقاندا، رەسپۋبليكالىق بيۋدجەتتىڭ 43 پايىزىنا تەڭ.  ال بيۋدجەتكە تۇسەتىن تۇسىمدەر 100,4 پايىزدى قۇراپتى. بۇل دەگەنىڭىز – 10,16 تريلليون تەڭگە ەكەن. ءساۋىر ايىنىڭ باسىندا مەملەكەتتىك قارىز 17,7 تريلليون تەڭگەنى نەمەسە ءجىو-ءنىڭ 25,5%-ءتىن قۇراعان.

Abai.kz