ۇلتتىق كىتاپحانادا «اق جول» گازەتى ماتەريالدارىنىڭ - «اق جول» گازەتىنىڭ 25 تومدىق جيناعىنىڭ تۇساۋ كەسەرى ءوتتى. جيناق «الەۋمەتتىك ماڭىزدى ادەبيەت» رەسپۋبليكالىق بيۋدجەتتىك باعدارلاماسى اياسىندا «اق جول» پارلامەنتتىك فراكتسياسى دەپۋتاتتارىنىڭ كۇش-جىگەرىنىڭ ارقاسىندا جارىق كوردى. ءىس-شاراعا قر  مادەنيەت جانە سپورت ۆيتسە-ءمينيسترى ن.داۋەشوۆ، «اق جول» پارتياسىنىڭ توراعاسى ا.پەرۋاشەۆ، «اق جول» پارلامەنتتىك فراكتسياسىنىڭ دەپۋتاتتارى، گۋميلەۆ اتىنداعى ەۇۋ-ءنىڭ باسشىلارى مەن قىزمەتكەرلەرى، «الاش» عىلىمي-زەرتتەۋ ينستيتۋتى، «الاشوردا» قوعامدىق قورىنىڭ وكىلدەرى، جيناق اۆتورلارى،  قۇراستىرۋشىلار، اۋدارماشىلار جانە رەداكتورلار قاتىستى. 

جيناق قوعام قايراتكەرى، اقىن، «اق جول» پارتياسىنىڭ مۇشەسى ءحانبيبى ەسەنقاراعىزىنىڭ جەكە باستاماسى بويىنشا قۇراستىرىلعان. ول تاشكەنت، شىمكەنت، الماتى، ماسكەۋ كىتاپحانالارى مەن مۇراعاتتارىندا گازەت ماتەريالدارىن جيناۋ بويىنشا ۇلكەن جۇمىس جاسادى.

«اق جول» - 1920–26 جىلدارى باسىلىپ شىققان جانە الاش بەلسەندىلەرى قۇرعان قوعامدىق-ساياسي گازەت. ءبىرىنشى رەداكتورى - سۇلتانبەك قوجانوۆ. گازەتتە ن.تورەقۇلوۆ، م.دۋلاتوۆ، X. دوسمۇحامەدوۆ، ي. جانسۇگىروۆ، ا. بايتۇرسىنوۆ جانە باسقا دا كوپتەگەن قازاق زيالىلارىنىڭ تۇركىستان، قازاق اسسر ءومىرى مەن وقيعالارى تۋرالى ماتەريالدارى جاريالاندى.

وزدەرىڭىز بىلەتىندەي، «اق جول» پارتياسى الاش قوزعالىسىنىڭ يدەيالىق مۇراسىن زەرتتەۋ جانە ناسيحاتتاۋ بويىنشا ۇنەمى جۇمىستار جۇرگىزەدى. جىل سايىن عىلىمي جۇمىستار كونكۋرستارى، عىلىمي-پراكتيكالىق كونفەرەنتسيالار وتكىزىلىپ، جاريالانىمدار جارىق كورەدى. 

قۇتتىقتاۋ سوزىندە ازات پەرۋاشەۆ جيناقتىڭ جارىققا شىعۋى مادەنيەت جانە سپورت مينيسترلىگىنىڭ جانە جەكە مينيستر اقتوتى رايمقۇلوۆانىڭ قولداۋى ارقاسىندا جۇزەگە اسقانىن اتاپ ءوتتى.

 «ۇرپاقتاردىڭ رۋحاني جانە مادەني تاجىريبەسىنىڭ ساباقتاستىعى - تاۋەلسىزدىكتى نىعايتۋدىڭ باستى نەگىزدەرىنىڭ ءبىرى. مۇنداي ماتەريالداردى باسىپ شىعارۋ ۇلتتىق تاريحتى ءتۇسىنۋ ءۇشىن، ونىڭ ىشىندە ونىڭ بۇرمالانۋىنا قارسى تۇرۋ ءۇشىن وتە ماڭىزدى»، - دەدى پەرۋاشەۆ.

سونىمەن قاتار ءىس-شارادا: تاڭدالعان ماقالالار جيناعى جانە ءنازىر تورەقۇلۇلىنىڭ مۇراعاتتىق ماتەريالدارى; بريتاندىق ينجەنەر دجون ۋيلفورد ۋاردەللدىڭ «قازاق دالاسىندا» ەستەلىكتەرى (قازاق، اعىلشىن جانە ورىس تىلدەرىندە); جاس عالىم-تاريحشى ارمان احمەتوۆتىڭ «ابىلمابەت حان اۋلەتى» مونوگرافياسى كوپشىلىككە ۇسىنىلدى. 

Abai.kz