پرەمەر-مينيستر اسقار مامين 12 ماۋسىم كۇنى جامبىل وبلىسىنا جۇمىس ساپارىمەن بارعان. ۇكىمەت باسشىسى وندا ۆاكتسينا شىعاراتىن بيوفارماتسەۆتيكالىق زاۋىتتىڭ قۇرىلىسىن باستاپ بەرگەن بولاتىن.

بۇگىن بەلگىلى بولعان اقپاراتتارعا قاراعاندا، ءدال وسى ساپاردا ۇكىمەت باسشىسى مىنگەن ۇشاقتان اقاۋ شىعىپ، اپاتتى جاعدايدا قونعان كورىنەدى. الدىن الا دەرەكتەر بويىنشا، تىكۇشاقتىڭ نەگىزگى سۋ جۇيەسى ىستەن شىعىپ، تاراز قالاسىنان 180 شاقىرىم جەردەگى تاسوتكەل اۋىلىنا قونعان. بۇل تۋرالى ۇكىمەتتىڭ ءباسپاسوز قىزمەتى رەسمي حابارلادى.

- 12 ماۋسىمدا پرەمەر-مينيستر اسقار مامين باستاعان ۇكىمەت دەلەگاتسياسى جامبىل وبلىسىنا جۇمىس ساپارىمەن بارىپ، ايماقتاعى مەملەكەتتىك الەۋمەتتىك-ەكونوميكالىق باعدارلامالاردىڭ ىسكە اسىرىلۋ بارىسىن تەكسەردى.

ايماققا ءىسساپار بارىسىندا دەلەگاتسيا «قازاۋەقۇتقارۋ» اق تيەسىلى № UP-MI705 تىركەلگەن مي-171 تىكۇشاعىمەن قورداي - تاراز باعىتىندا ۇشتى.

الدىن الا دەرەكتەر بويىنشا، تىكۇشاقتىڭ نەگىزگى سۋ جۇيەسى ىستەن شىعىپ، تاراز قالاسىنان 180 شاقىرىم جەردەگى تاسوتكەل اۋىلىنا قونعان. ابىروي بولعاندا، جولاۋشىلار مەن ەكيپاج مۇشەلەرى امان، اۋە كەمەسى بۇلىنبەدى، - دەلىنگەن حابارلامادا.

بۇل اقپاراتتى «قازاۋەقۇتقارۋ» اق قوعاممەن بايلانىس جونىندەگى مامانى انار حاميتوۆا دا راستاپ وتىر. ونىڭ ايتۋىنشا، قۇلاپ قالا جازداعان تىكۇشاقتا مامين مەن ساپارباەۆ بولعان.

- تىكۇشاق جامبىل وبلىسىنداعى قوردايدا تارتىپسىزدىك بولعان اۋماقتى اينالىپ جۇرگەندە ەسەپتەگىش گيدراۆليكالىق جۇيە ىستەن شىققان. بورتتا پرەمەر-مينيستر اسقار مامين مەن جامبىل وبلىسىنىڭ اكىمى بەردىبەك ساپارباەۆ بولدى. بارلىعى ءدىن-امان ەكىنشى بورتقا وتىرعىزىلدى. ەندى ازاماتتىق اۆياتسيا سالاسىنداعى ۋاكىلەتتى ورگان، ياعني يندۋستريا جانە ينفراقۇرىلىمدى دامىتۋ مينيسترلىگى اقاۋدى انىقتاۋ ءۇشىن كوميسسيا قۇرادى. كوميسسيا تىكۇشاقتىڭ بۇزىلۋ سەبەپتەرىن انىقتايدى, - دەپتى مامان.

بىراق بۇل ۇشاقتا كوروناۆيرۋس جۇقتىرعان دەنساۋلىق ساقتاۋ ءمينيسترى ەلجان ءبىرتانوۆ بولماعان كورىنەدى. بۇعان دەيىن بىرتانوۆپەن بىرگە جۇرگەن ءبىلىم جانە عىلىم ءمينيسترى اسحات ايماعامبەتوۆ، جامبىل وبلىسىنىڭ اكىمى بەردىبەك ساپارباەۆ جانە اسقار ءماميننىڭ تەست تاپسىرىپ، وقشاۋلانعانى حابارلانعان ەدى.

Abai.kz