ەلدىڭ اپەللياتسيالىق قىلمىستىق سوتى ەكc-پرەزيدەنت ادۆوكاتتارىنىڭ ءوتىنىشىن قاناعاتتاندىردى. ارمەنيانىڭ باس پروكۋراتۋراسى بۇل شەشىمگە قارسى شاعىم بەرەتىنىن مالىمدەدى.
ربك تاراتقان اقپاراتقا سايكەس، ەكس-پرەزيدەنت قازىر وپەراتسيادان كەيىن ەرەۆانداعى مەديتسينالىق ورتالىقتا جاتىر.
روبەرت كوچاريان ارمەنيانى 1998-2008 جىلدار ارالىعىندا باسقاردى. ەكى جىل بۇرىن ونى 2008 جىلعى وقيعا بويىنشا قاماۋعا العان. ول بيلىكتى سەرج سارگسيانعا بەرۋدى الدىن الا ۇيىمداستىردى دەپ ايىپتالدى. سول كەزدە پرەزيدەنت سايلاۋىنىڭ ناتيجەسىمەن كەلىسپەگەن لەۆون تەر-پەتروسيانانىڭ جاقتاستارى ەرەۆاندا نارازىلىق اكتسياسىن ۇيىمداستىرعان. بيلىكتىڭ حالىق تولقۋىن كۇشپەن توقتاتۋى كەزىندە 10 ادام قايتىس بولىپ، 250-دەن استام ادام جارالانعان.
ارمەنيانىڭ قازىرگى پرەمەر-ءمينيسترى نيكول پاشينيان سول كەزدەرى تەر-پەتروسياننىڭ سايلاۋ شتابىن باسقارعان. 2010 جىلدىڭ قاڭتار ايىندا پاشينياندى جاپپاي تارتىپسىزدىكتى ۇيىمداستىردى دەگەن ايىپپەن جەتى جىلعا سوتتاعان. بىراق 2011 جىلى راقىمشىلىقپەن بوستاندىققا شىققان.
Abai.kz
