بۇرىنعى ماجىلىسمەن سەرىك وسپانوۆ يندۋستريا جانە ينفراقۇرىلىمدى دامىتۋ ءمينيسترى بەيبىت اتامقۇلوۆتىڭ كەڭەسشىسى بولىپ تاعايىندالدى. 

«وسپانوۆ سەرىك جامەكەۇلى قر يندۋستريا جانە ينفراقۇرىلىمدىق دامۋ ءمينيسترىنىڭ كەڭەسشىسى بولىپ تاعايىندالدى. ول ءتۇرلى جىلدارى اقتاۋ قالاسىنىڭ اكىمى،  ماڭعىستاۋ وبلىسى اكىمىنىڭ ورىنباسارى قىزمەتتەرىن اتقاردى، سونداي-اق 3 شاقىرىلىمدا قر پارلامەنتى ءماجىلىسىنىڭ دەپۋتاتى بولدى.

سەرىك وسپانوۆ يندۋستريالىق دامۋ ماسەلەلەرىمەن اينالىسادى»،- دەلىنگەن مينيسترلىك سايتىندا.

سەرىك جامەكۇلى وسپانوۆ 1964 جىلى اتىراۋ قالاسىندا دۇنيەگە كەلگەن. 1986 جىلى لەنين اتىنداعى قازاق پوليتەحنيكالىق ينستيتۋتىن مەحانيك-ينجەنەر ماماندىعى بويىنشا بىتىرگەن. 2000 جىلى اباي اتىنداعى الماتى مەملەكەتتىك ۋنيۆەرسيتەتىنىڭ ماركەتينگ جانە كوممەرتسيا فاكۋلتەتىن ماركەتولوگ-ەكونوميست ماماندىعى بويىنشا اياقتاعان.

ەڭبەك جولىن 1986 جىلى «ماڭعىشلاقمۇناي» بىرلەستىگىنىڭ وندىرىستىك قىزمەتتەرىنىڭ ورتالىق بازاسىندا جوندەۋشى بولىپ باستادى.

1992-1994 جىلدارى ماڭعىستاۋ وبلىسى اكىمشىلىگى باسشىسىنىڭ كومەكشىسى، 1994-1996 جىلدارى - اقتاۋ قالاسى اكىمىنىڭ ءبىرىنشى ورىنباسارى، 1996-2004 جىلدارى - اقتاۋ قالاسىنىڭ اكىمى بولدى.

2004 جىلى 3-ءشى شاقىرىلىمداعى پارلامەنت ءماجىلىسىنىڭ دەپۋتاتى، 2007 جىلى - 4-ءشى شاقىرىلعان پارلامەنت ءماجىلىسىنىڭ دەپۋتاتى بولىپ سايلاندى. 2012 جىلعى 20 قاڭتاردان باستاپ - V شاقىرىلىمداعى ءماجىلىس دەپۋتاتى، قارجى جانە بيۋدجەت كوميتەتىنىڭ مۇشەسى، «نۇر وتان» پارتياسىنىڭ مۇشەسى. ۇيلەنگەن، بالالارى بار.

Abai.kz