قىزىلوردادا كارانتين كەزىندە 200 ميلليون تەڭگەگە قۇبىر شىعاراتىن زاۋىت ىسكە قوسىلدى. جوبا قۇرىلىس يندۋسترياسى سالاسىندا جۇزەگە اسىرىلعان. بۇل تۋرالى LS سايتى جازعان. 

اقپاراتقا سايكەس، قازىرگى ۋاقىتتا كاسىپورىندا 12 ادام جۇمىس ىستەيدى. جاقىندا وندىرىستە جۇمىس ىستەيتىندەر سانى  20 ادامعا دەيىن جەتەدى دەپ كۇتىلۋدە.

«جوبانىڭ قۇنى - 200 ميلليون تەڭگە. ونىڭ اياسىندا كۇنىنە 3,5 توننا ءونىم شىعارىلۋدا», - دەلىنگەن حابارلامادا.

جوبانىڭ تولىق ىسكە قوسىلۋىمەن قۋاتتىلىعى تاۋلىگىنە 10 توننا ءونىم شىعارۋعا بولاتىندىعى ايتىلدى.

بۇعان دەيىن قازاقستان قۇرىلىس سالاسىندا 167,7 ملرد تەڭگەگە 33 جوبانى جۇزەگە اسىرىپ جاتقاندىعى تۋرالى حابارلانعان بولاتىن.

يندۋستريالاندىرۋ كارتاسىنا سايكەس، 2020 جىلى اقمولا، اقتوبە، الماتى، جامبىل، باتىس قازاقستان، قىزىلوردا، تۇركىستان وبلىستارىندا، نۇر-سۇلتان، شىمكەنت جانە الماتى قالالارىندا جوبالار جۇزەگە اسىرىلۋدا. جاڭا وندىرىستەردىڭ اشىلۋىنا بايلانىستى 4,2 مىڭ جۇمىس ورنى قۇرىلادى.

Abai.kz