پرەزيدەنت قاسىمجومارت توقاەۆتىڭ ەل جاعدايىنا قاتىستى مالىمدەمەسىنە تۇزدىق ۇسىنىس: ءبىرىنشى، ىندەتتى ساياساتقا، قۇرالعا، مۇددەگە اينالدىرماسىن!

ەكىنشى، ۇكىمەت، ەلگە بولىنگەن قارجىنىڭ ەسەبىن بەرسىن! ۇشىنشىدەن، وزدەرىن دە، وزگەنى دە الداماسىن! حالىقتى تىنىشتاندىرسىن! ىسپەن، ناقتى شارالارمەن. ماراپات، گراموتا اتاق ەسكىردى. ول سوۆەتتىك سۇرلەۋ! ەڭ باستىسى ءتارتىپ، جۇيە، زاڭ، پرينتسيپ، ماقسات ناقتى قويىلسىن!

مەديتسينا قىزمەتكەرلەرىنىڭ اقشاسىن ارتتىرامىز دەپ، الداعان باسشى، اكىم، مينيستر، دەپۋتات ءبارى ورنىن بوساتسىن، سوندا ابىروي اسادى!

پاندەميامەن كۇرەس، كارانتين-اسكەري رەجيمدە ۇيىمداستىرىلسىن! ءار وتباسىعا ۇكىمەت ازىق تۇلىك قورجىنىن قامتاماسىز ەتسىن، ماگازين شارلاپ كەتپەسىن! ابيتۋريەنت، ستۋدەنتتەرگە ەمتيحان وقۋ ۇدەرىسى ونلاين ۇيىمداستىرىلسىن!

اپتەكالار ورتالىقتاندىرىلعان جۇيەدە جۇمىس ىستەپ، ءتيىستى تەست، ەم دوم تەگىن بولسىن، پانيكاعا جول بەرىلمەسىن! ەمدەۋگە جارامدى عيماراتتار ءموبيلدى ەمحانالارعا اۋىستىرىلسىن!

كرەديتتەر تولىق كەشىرىلسىن، حالىقتىڭ قانىن وسى ۋاقىتقا دەيىن تەسپەي سورعان بانكتەرگە توسقاۋىل قويىلسىن!

سىرتتان بولماشى پايىزعا العان اقشانى 30 پايىزعا ەلگە بەرىپ، ەزىپ كەلگەن جۇيە كەتسىن! مامين ۇكىمەتى وتستاۆكاعا كەتسىن! پارلامەنتتەگى ەڭبەكتەگەن شالدارعا كوۆيدكە ۇشىراپ، ولمەي تۇرعاندا، بوستاندىق بەرىلسىن، بۇدان ءارى زورلاپ وتىرعىزۋ مورالعا دا سىيمايدى. 

دوساي كەنجەتايدىڭ الەۋمەتتىك جەلىدەگى جازباسى

Abai.kz