پاريجدە اياقتالعان اۋىر اتلەتيكادان الەم چەمپيوناتىندا قازاقستان قۇراماسى  جالپىكوماندالىق ەسەپتە 3 ورىنعا  تابان تىرەدى. ءزۇلفيا چينشانلو مەن يليا يلين  التىن مەدال ولجالاسا، سۆەتلانا پودوبەدوۆا مەن  مايا مانەزاعا كۇمىس جۇلدە بۇيىردى. ۇلتتىق قۇرامانىڭ اياق الىسىنا  باس باپكەر الەكسەي ني بىلاي باعا بەرەدى:

- بىلتىرعى الەم چەمپيوناتىنان سوڭ باستى كۇشتى پاريج تورىندەگى سىنعا سالامىز دەگەن ەدىم. سولاي بولدى دا. بىراق، ۇيىمداستىرۋشىلار ءبىزدىڭ قۇرامانى اياقتان شالۋ ءۇشىن ءبارىن ىستەپ باقتى. شىنىمدى ايتسام، ۇلتتىق قۇرامانىڭ پاريجدەگى كورسەتكىشى قاناعاتتانارلىقتاي. بىراق، تولىعىمەن ىرزامىن دەپ ايتا المايمىن. ەندى لوندوندا جۇلدە جيۋعا تىرىسامىز.

- ۇيىمداستىرۋشىلار  ءانۇراندى الماستىرىپ جىبەردى، قازىلار مايانىڭ رەكوردتىق كورسەتكىشىن قابىلداماي تاستادى. بىزگە حالىقارالىق ۇيىم قارسى تۇرعانداي اسەر الدىق.  مۇنىڭ سەبەبى نەدە؟

- بۇل سۇراققا جاۋاپ بەرە المايمىن.

- مايا مانەزا الەمدىك رەكوردتى جاڭالاعانىمەن، ونى تورەشىلەر ەسەپتەمەي تاستادى. كەيىن تورەشىلەرگە قارسى شاعىم جازعان جوقسىزدار ما؟

پاريجدە اياقتالعان اۋىر اتلەتيكادان الەم چەمپيوناتىندا قازاقستان قۇراماسى  جالپىكوماندالىق ەسەپتە 3 ورىنعا  تابان تىرەدى. ءزۇلفيا چينشانلو مەن يليا يلين  التىن مەدال ولجالاسا، سۆەتلانا پودوبەدوۆا مەن  مايا مانەزاعا كۇمىس جۇلدە بۇيىردى. ۇلتتىق قۇرامانىڭ اياق الىسىنا  باس باپكەر الەكسەي ني بىلاي باعا بەرەدى:

- بىلتىرعى الەم چەمپيوناتىنان سوڭ باستى كۇشتى پاريج تورىندەگى سىنعا سالامىز دەگەن ەدىم. سولاي بولدى دا. بىراق، ۇيىمداستىرۋشىلار ءبىزدىڭ قۇرامانى اياقتان شالۋ ءۇشىن ءبارىن ىستەپ باقتى. شىنىمدى ايتسام، ۇلتتىق قۇرامانىڭ پاريجدەگى كورسەتكىشى قاناعاتتانارلىقتاي. بىراق، تولىعىمەن ىرزامىن دەپ ايتا المايمىن. ەندى لوندوندا جۇلدە جيۋعا تىرىسامىز.

- ۇيىمداستىرۋشىلار  ءانۇراندى الماستىرىپ جىبەردى، قازىلار مايانىڭ رەكوردتىق كورسەتكىشىن قابىلداماي تاستادى. بىزگە حالىقارالىق ۇيىم قارسى تۇرعانداي اسەر الدىق.  مۇنىڭ سەبەبى نەدە؟

- بۇل سۇراققا جاۋاپ بەرە المايمىن.

- مايا مانەزا الەمدىك رەكوردتى جاڭالاعانىمەن، ونى تورەشىلەر ەسەپتەمەي تاستادى. كەيىن تورەشىلەرگە قارسى شاعىم جازعان جوقسىزدار ما؟

- مايا جاساعان كىشىگىرىم ەرلىكتى تورەشىلەر ەسكەرمەي قويدى. قارسى شاعىم جازعان جوقپىز. بىراق، مانەزانىڭ بۇل جولى ۇتىلعانى دا جاقسى بولدى. لوندون الدىندا ءۇش دۇركىن الەم چەمپيونى اتانعاندا، وليمپياداعا ۇلكەن سەنىممەن باراتىن ەدى. ال سەنىم ارقاشان سەنى قولداي بەرمەيدى. مايا بۇل جولى ءوز-وزىمەن جۇمىس ىستەپ، دايىندىعىن ودان ءارى ارتتىرا تۇسەدى. ءبىر سوزبەن ايتساق، ارقانى كەڭگە سالۋعا جول جوق.

- سۆەتلانا تسارۋكاەۆا مەن مايانىڭ قايسىسى مىقتى دەپ ويلايسىز؟

- الەم چەمپيوناتىن تسارۋكاەۆا جەڭىپ العان سوڭ، رەسەيلىك قىز مىقتى دەگەن پىكىردەمىن. بىراق، مايانىڭ الار اسۋى الدا.

- يليا يلينمەن ارا قاتىناسىڭىز ايتارلىقتاي جاقسى ەمەس.  ءبىر تەرىنىڭ پۇشپاعىن يلەپ، ۇلتتىق قۇرامانىڭ ابىرويىن ارقالاپ جۇرگەن سوڭ سىزدەرگە ءتىل تابىسۋ كەرەك شىعار...

-  يليا ەكەۋمىز ءبىر نارسەگە ەكى ءتۇرلى كوزقاراسپەن قارايمىز. قازىر ول استانا قالاسىندا بولەك جاتتىعۋدا. بىراق، ونىڭ بارلىق جاتتىعۋ جۇمىستارىن قۇراما باپكەرلەرى مەن فەدەراتسيا باقىلاپ وتىر.

- عالامتوردا ۆلاديمير سەدوۆ تا ۇلتتىق قۇرامادان بولەك دايىندالادى دەگەن اقپارات ءجۇر...

- جوق، بۇل قاتە. سەدوۆ ۇلتتىق قۇرامادان بولەك ەشقايدا كەتپەيدى. يليا ءوز-ءوزىن دالەلدەگەن الەمنىڭ ءۇش دۇركىن چەمپيونى. وليمپيادا ويىندارىنىڭ جەڭىمپازى. وعان جەكە جاتتىعۋ كەرى اسەرىن تيگىزبەيدى. ال، ۆولوديا ازىرگە قۇرامادان الىستامايدى. كوز الدىمىزدا جاتتىعادى.

«اباي-اقپارات»