ازىرگە مۋزەيدىڭ ىشىندە بىرقاتار شەكتەۋ ساقتالادى. اكىمشىلىك تالابىنا ساي، مۋزەيگە كەلۋشىلەر مىندەتتى تۇردە ماسكا تاعىپ ءجۇرۋى ءتيىس. بۇعان قوسا مۋزەي زالدارىن ارالاعان كەزدە ادام سانى مەن اراقاشىقتىعىنا بايلانىستى قويىلعان قاتاڭ تالاپ بار. اكىمشىلىك مۋزەيدەگى ەڭ ايگىلى مادەني مۇرا – لەوناردو دا ءۆينچيدىڭ "مونا ليزا" ("دجوكوندا") پورترەتىن تاماشالاۋعا كەلگەن ادامداردىڭ ءبىر جەرگە ۇيمەلەمەي، كەزەكپەن بارۋىن قاداعالاپ وتىرماق.

13 ناۋرىزدا لۋۆر كارانتينگە جابىلعالى بەرى مۋزەي 40 ميلليون ەۋرو كىرىستەن قاعىلعان. "مۋزەي مەملەكەتتىڭ مەنشىگىندە بولعانىنا شۇكىر", - دەپ مالىمدەدى مۋزەيدىڭ ديرەكتورى جان-ليۋك مارتينەس.

6 شىلدە كۇنى لۋۆردىڭ قاسىندا تۋريستىك گيدتەردىڭ نارازىلىق اكتسيالارى ءوتتى. ولار باسقا تالاپتارمەن بىرگە، بيلىكتىڭ تۋريزم سالاسىندا جۇمىس ىستەيتىندەرگە جاردەم تانىتۋعا جەتكىلىكتى كوڭىل بولمەي وتىرعانىن دا ايتتى.

فرانتسيا پرەزيدەنتى ەممانۋل ماكرون ماۋسىم ايىندا كوروناۆيرۋسپەن كۇرەستەگى "العاشقى جەڭىس" تۋرالى مالىمدەگەننەن كەيىن ىندەتكە بايلانىستى ەنگىزىلگەن شەكتەۋلەر بىرتىندەن الىنا باستاعان. ماكروننىڭ اكىمشىلىگىندە كارانتين شەكتەۋىن بوساڭسىتۋ شارالارىنا جاۋاپتى مىندەت اتقارعان جان كاستەكس وتكەن اپتادا فرانتسيا ۇكىمەتىنىڭ جاڭا باسشىسى بولىپ تاعايىندالعان. وعان دەيىن بۇل قىزمەتتە 2017 جىلدان بەرى وتىرعان ەدۋارد فيليپپ وتكەن اپتادا وتستاۆكاعا كەتكەن ەدى.

Abai.kz