13 شىلدەدە "سايلاۋعا بويكوت" اكتسياسىنا شىققان ءۇش ازامات ۇستالىپ، ولاردىڭ ۇستىنەن بيلىكتى باسىپ الۋعا اشىق شاقىردى دەگەن باپ بويىنشا تەرگەۋ باستاعان. بۇل جونىندە قىرعىزستاننىڭ ىشكى ىستەر مينيسترلىگىنىڭ ءباسپاسوز قىزمەتى حابارلادى.

وندا ءىىم تەرگەۋ قىزمەتى بيلىكتى باسىپ الۋعا شاقىرعان ءۇش فاكت بويىنشا تەرگەۋ باستاعانى ايتىلادى:

"16 ماۋسىمدا WhatsApp مەسسەندجەر مەن الەۋمەتتىك جەلى ارقىلى بەلگىسىز ادام ازاماتتاردى 1 شىلدەدە جوگوركۋ كەڭەش عيماراتى جانىنا جينالىپ، قازىرگى بيلىكتى قۇلاتۋعا شاقىرعان اۋديوجازبا تاراتتى;

17 ماۋسىمدا WhatsApp مەسسەندجەرىندەگى "چون-كازات" توبىنداعى ءبىر ادام "اق ءۇيدى 120 دەپۋتاتپەن قوسا ورتەپ جىبەرۋ كەرەك" دەگەن اۋديوجازبا تاراتقان;

6 شىلدەدە Facebook قولدانۋشىسى م. ا. دەگەن ازامات 5G قاۋپىن ايتىپ، كاۆكاز حالقى انتەننانى ورتەپ جاتىر دەپ، ەل بيلىگىن سىنعا العان".

ءىىم مالىمەتى بويىنشا، جوعارىداعى حابارلاردىڭ تاراۋىنا 13 شىلدەدە "الا-توو" الاڭىنا شىققان ءۇش ازاماتتىڭ تىكەلەي قاتىسى بولۋى مۇمكىن.

13 شىلدەدە جوگوركۋ كەڭەش عيماراتى الدىندا "سايلاۋعا بويكوت" اكتسياسى وتكەن. ونىڭ قاتىسۋشىلارى پارلامەنت سايلاۋىن كەيىنگە شەگەرۋدى تالاپ ەتكەن. اكتسياعا شىققان ازاماتتاردى ۇستاپ، ءتۇسىندىرۋ جۇمىسىنان كەيىن بوساتقان.

Abai.kz