ددسۇ ەۋروپالىق بيۋروسىنىڭ توتەنشە جاعدايلار جونىندەگى ايماقتىق ديرەكتورى دوريت نيتتسان قازاقستانداعى COVID-19 بەن پنەۆمونيانىڭ بىرىكتىرىلگەن ستاتيستيكاسى تۋرالى پىكىر ءبىلدىردى.

«قازاقستانداعى COVID-19 بويىنشا جاعداي جاقسارۋدا. جۇقتىرۋ جاعدايلاردىڭ ۇشتەن ءبىرى سوڭعى اپتادا تىركەلگەنىنە قاراماستان، تومەندەۋ بايقالادى. مەملەكەت بىرقاتار سانيتارلىق شارالاردى ازىرلەپ جاتىر. سونىمەن قاتار ناۋقاستاردى ەمدەۋ جانە اۋرۋحانانىڭ جاعدايىنداعى ينفەكتسيانى باقىلاۋ شارالارىن جەتىلدىرۋدە. اسىرەسە، قازاقستان پنەۆمونياسى جوق پاتسيەنتتەردى COVID-19 بويىنشا ددسۇ زەرتحانالارىندا تەستىلەۋگە كەلىستى. وسىعان ۇقساس جاعدايلاردا بارلىق ەلگە وسى جۇمىس ءادىسىن قولدانۋعا كەڭەس بەرەمىز»، - دەدى ونلاين بايلانىسقا شىققان دوريت نيتتسان وكق الاڭى ارقىلى.

ەسكە سالا كەتسەك قازاقستاندا پنەۆمونيامەن اۋىرعاندار كۆي جۇقتىرعانداردىڭ ستاتيستيكاسىنا ەنگىزىلەتىن بولدى. وسىلايشا COVID-19 بويىنشا جاڭا ستاتيستيكا 1 تامىزدان باستاپ جۇرگىزىلەدى.

Abai.kz