قازاقستاندا كوروناۆيرۋس ينفەكتسياسىنان ناۋرىز ايىنان بەرى جالپى سانى 1058 ادام كوز جۇمدى. بۇل تۋرالى دەنساۋلىق ساقتاۋ ءمينيسترى الەكسەي تسوي مالىمدەدى.  

«قازاقستاندا قيىن كەزەڭ ارتتا قالدى دەپ ايتساق، ارتىق بولماس. قازىرگى تاڭدا ەلدەگى ەپيدەميولوگيالىق جاعداي تۇراقتالىپ كەلەدى. قازاقستاندا جالپى، ناۋرىز ايىنان بەرى 92 262 ادامنان ىندەت انىقتالىپ، 67% ناۋقاس دەرتىنەن ايىعىپ شىقتى. ونىڭ ىشىندە 30 مىڭعا جۋىق ادام ەمدەلۋدە. وكىنىشكە قاراي، 1058 ادام قايتىس بولدى. بۇگىندە كوروناۆيرۋس جۇقتىرعاندار سانى كۇن ساناپ ازايىپ كەلەدى. مىسالى، ءبىر تاۋلىكتە COVID-كە شالدىعۋ دەڭگەيى 1400 ادامدى قۇراپ وتىر. اۋرۋحانالاردا ءدارى-دارمەك تە جەتكىلىكتى»، - دەدى الەكسەي تسوي.

ءمينيستردىڭ ايتۋىنشا، رەسپۋبليكا بويىنشا COVID-19 بەن پنەۆمونياعا شالدىققان پاتسيەنتتەرگە ارنالعان 15 ستاتسيونار ناۋقاستاردىڭ ازايۋىنا بايلانىستى جابىلعان.

Abai.kz