باس سانيتارلىق دارىگەر ايجان ەسماعامبەتوۆانىڭ "كارانتيندىك شەكتەۋ شارالارى جانە ولاردى كەزەڭ-كەزەڭىمەن جەڭىلدەتۋ تۋرالى" №48 قاۋلىسىندا قازاقستانمەن حالىقارالىق اۋە قاتىناسى بار ەلدەردىڭ ءۇش ساناتى كورسەتىلگەن.
ءبىرىنشى ساناتتاعى ەلدەن كەلەتىن جولاۋشىدان پتر ناتيجەسى سۇرالمايدى. بۇل ساناتقا ساناتقا: قحر، وڭتۇستىك كورەيا، جاپونيا، گرۋزيا، تايلاند، ۆەنگريا، ءۇندىستان، گەرمانيا، چەحيا، مالايزيا، ءباا، بەلارۋس، تۇركيا، ەگيپەت، ۋكراينا، نيدەرلاند جانە رەسەي كىرەدى. اتالمىش 17 ەلدەن اۋە جولى ارقىلى كەلۋشىلەر بار بولعانى ساۋالناما تولتىرىپ، دەنە قىزۋىن ولشەتەدى. ولارعا بۇدان ارتىق تالاپ قويىلمايدى.
ەكىنشى ساناتقا: پولشانىڭ، وزبەكستانىڭ، تاجىكستاننىڭ جانە ءۇشىنشى ساناتتاعى ەلدەردەن كەلەتىن ەۆاكۋاتسيالىق جانە چارتەرلىك رەيستەردىڭ جولاۋشىلار كىرەدى. ولاردان ساۋالناما الىنىپ، دەنە قىزۋى ولشەنەدى جانە مەرزىمى بەس تاۋلىكتەن اسپاعان پتر تەستىنىڭ تەرىس ناتيجەسى تالاپ ەتىلەدى. پتر تەستىنىڭ ناتيجەسى بولماسا، بۇل جولاۋشىلار كەلگەن جەرىندە 48 ىشىندە پتر تەستىن تاپسىرۋى قاجەت نەمەسە 14 كۇن ءۇي كارانتينىندە بولۋى شارت.
ءۇشىنشى ساناتقا قالعان ەلدەردىڭ ءبارى كىرەدى. الايدا بۇل ەلدەرمەن قازىر تۇراقتى اۋە قاتىناسى جوق.
قازاقستان ۇكىمەتى 13 تامىز كۇنى 17 شىلدەدەن باستاپ كارانتين شەكتەۋلەرى جەڭىلدەيدى دەپ مالىمدەگەن. كوروناۆيرۋس ىندەتىنىڭ ورشۋىنە بايلانىستى ەكىنشى رەت ەنگىزىلگەن كارانتين 5 شىلدەدە باستالعان. اۋەلى ەكى اپتاعا جاريالانعان شەكتەۋلەر ەكى رەت ۇزارتىلدى.
دەنساۋلىق ساقتاۋ ءمينيسترى الەكسەي تسوي ەپيدەميالىق احۋال تۇراقتادى دەپ وتىر. الايدا كەيىنگى كۇندەرى Covid پەن كوروناۆيرۋستىق پنەۆمونيا كەيىنگى بەس تاۋلىكتە تۇراقتى تۇردە كۇن سايىن مىڭنان استام ادامنان انىقتالىپ وتىر. كەشە، 15 تامىز كۇنى Covid پەن كوروناۆيرۋستىق پنەۆمونيا 1380 ادامنان تابىلعان، 25 ادام قايتىس بولعان.
قازاقستان كوروناۆيرۋس جۇقتىرعانداردىڭ ۇلتتىق ستاتيستيكاسىن تەك پتر تەستىنىڭ وڭ ناتيجەسىنە سۇيەنىپ جۇرگىزىپ وتىر. ەپيدەميا باستالعالى پتر تەستى 102 696 ادامنىڭ ينفەكتسيا جۇقتىرعانىن كورسەتتى. ولاردىڭ ىشىندە 1397 ادام دەرتتەن ايىعا الماستان قايتىس بولعان. سونداي-اق كوروناۆيرۋس جۇقتىرعان بىراق "ىلەسپە اۋرۋدان قايتىس بولدى" دەگەن جۇزدەگەن ادامنىڭ بولەك ءتىزىمى بار.
ۇكىمەت 1 تامىزدان باستاپ پتر تەستى تەرىس ناتيجە بەرگەن بىراق اۋرۋ بەلگىلەرى بويىنشا كوروناۆيرۋسقا ۇقسايتىن پنەۆمونيا ناۋقاستارىنىڭ ساناعىن جۇرگىزىپ كەلەدى. 1-15 تامىز ارالىعىندا پنەۆمونيانىڭ بۇل تۇرىنە 18 465 ادام شالدىعىپ، 216 ادام قايتىس بولعان.
Abai.kz
