ونداعان بەلارۋس جانە شەتەلدىك باق وكىلدەرىنىڭ سۇراقتارىنا كەڭەستىڭ مۇشەلەرى ماريا كولەسنيكوۆا (پرەزيدەنتتىككە ۇمىتكەر سۆەتلانا تيحانوۆسكايانىڭ ۇزەڭگىلەسى), ولگا كوۆالكوۆا (تيحانوۆسكايانىڭ سەنىمدى وكىلى), ماكسيم زناك (ۆيكتور باباريكو شتابىنىڭ زاڭگەرى), سەرگەي دىلەۆسكي (مينسك تراكتور زاۋىتىنىڭ كوتەرىلىسشىلەر كوميتەتىنىڭ جەتەكشىسى) جانە پاۆەل لاتۋشكوگو (يانكا كۋپالا اتىنداعى تەاتردىڭ جۇمىستان بوساتىلعان ديرەكتورى) جاۋاپ بەردى.

ۇيلەستىرۋ كەڭەسىنىڭ العاشقى وتىرىسى 19 تامىزدا وتەدى.

كەڭەس قاتىسۋشىلارى الەكساندر لۋكاشەنكونىڭ وزدەرىن بيلىكتى تارتىپ الماقشى، وپپوزيتسيامەن ديالوگ ورناتامىن دەگەن سوزدەرىمەن كەلىسپەيتىنىن جەتكىزدى. ۇيلەستىرۋ كەڭەسىنىڭ مۇشەلەرى ەلدەگى مەملەكەت قايراتكەرلەرىنە، وزگە دە جوعارى لاۋازىمدى شەنەۋنىكتەرگە شىعىپ، داعدارىستان شىعۋدىڭ جولىن بىرگە تالقىلاۋعا شاقىراتىنىن مالىمدەدى.

بەلارۋس پرەزيدەنتى الەكساندر لۋكاشەنكو قۇرىلىپ جاتقان كەڭەستى "بيلىكتى تارتىپ الۋ ارەكەتى" دەپ باعا بەرگەن.

بەلارۋستا وپپوزيتسيا پرەزيدەنت سايلاۋىنىڭ رەسمي ناتيجەسىن تانۋدان باس تارتقاننان كەيىن ساياسي داعدارىس كۇشەيىپ كەتتى. لۋكاشەنكونىڭ وتستاۆكاسىن تالاپ ەتكەن مىڭداعان ادام نارازىلىق اكتسيالارىنا شىقتى. بىرقاتار ءوندىرىس زاۋىتتارى جۇمىسىن توقتاتتى.

Abai.kz