سوتتالعاندار اراسىندا يسفارا اكىمدىگى اپپاراتىنىڭ بۇرىنعى اتقارۋشى باسشىسى بار. ارقايسىسى 5 جىلدان 7 جىلعا دەيىن جازاسىن وتەيدى. تۋىستارى سوت ۇكىمىمەن كەلىسپەيتىنىن، قايتا شاعىم بەرەتىنىن جەتكىزدى.

سۋديا انۆارجون ابدۋگاففوري ۇكىمنىڭ وتكەن اپتادا شىققانان ايتتى. ءىس تۋرالى تولىق ماعلۇمات ۇكىم كۇشىنە ەنگەننەن كەيىن بارىپ ايتىلاتىنىن جەتكىزدى.

20 ايىپتالۋشىعا قاتىستى سوت پروتسەسى حۋدجاندتاعى تەرگەۋ اباقتىسىندا بولدى. سوتتالعاندار كىناسىن مويىندادى ما، جوق پا، بەلگىسىز. بىراق تۋىستارىنىڭ ءبىرى ۇكىممەن كەلىسپەيتىنىن جەتكىزدى.

"ولاردىڭ ءبارى – جوعارى ءبىلىمدى ازاماتتار. ءدىني-ەكسترەميستىك ۇيىمدارعا مۇشە بولدى دەپ ايىپتاۋ قيسىنسىز",- دەدى ول.

ازىرگە سوتتالعانداردىڭ اتى-ءجونى جاريالانبادى.

باس پروكۋراتۋرا مالىمەتىنشە، ءدىني-ەكسترەميستىك ۇيىمعا مۇشە دەگەن كۇدىكپەن باس-اياعى 113 ادام ۇستالعان. "ولاردىڭ ماقساتى - تاجىكستاندا يسلام مەملەكەتىن ورناتۋ. كۇدىكتىلەر اراسىندا ءارتۇرلى ماماندىق يەلەرى بار، ستۋدەنتتەردەن مەملەكەتتىك قىزمەتكەرلەرگە دەيىن" دەگەن ەدى باس پروكۋرور.

وتكەن ايدا باس پروكۋرور يۋسۋف راحمون جوعارعى سوتتىڭ "مۇسىلمان اعايىندار" ۇيىمىنىڭ 132 مۇشەسىنىڭ ءىسىن قاراپ جاتقانىن ايتقان.

بۇدان بولەك اتالعان ۇيىمعا مۇشە دەپ تاعى 72 ادامعا حالىقارالىق ىزدەۋ جاريالانعان.

"مۇسىلمان اعايىندار" – XX عاسىردىڭ ءبىرىنشى جارتىسىندا ەگيپەتتە قۇرىلعان ءدىني-ساياسي ۇيىم. بىرقاتار مەملەكەتتەر مۇنى تەرروريستىك ۇيىم دەپ تانىپ، قىزمەتىنە تىيىم سالعان. سونىڭ ىشىندە تاجىكستان دا بار.

Abai.kz