«اق جول» دەموكراتيالىق پارتياسى دەنساۋلىق ساقتاۋ مينيسترلىگىنىڭ جۇمىستى قايتا باستاۋ ءۇشىن بيزنەسكە رۇقسات الۋ كەرەك دەگەن تالابى زاڭسىز دەپ سانايدى - فراكتسيا توراعاسى ازات پەرۋاشەۆ ۇكىمەتكە وسىنداي حات جولدادى.

قر پارلامەنتى ءماجىلىسى – «اق جول» دەموكراتيالىق پارتياسى فراكتسياسى دەپۋتاتتارىنىڭ كاسىپكەرلەرمەن كەزدەسۋى بارىسىندا شاعىن جانە ورتا بيزنەس وكىلدەرىنىڭ  تاراپىنان كارانتيننەن كەيىن Infokazakhstan.kz سايتى ارقىلى قىزمەتىن جاڭعىرتۋعا مىندەتتى تۇردە رۇقسات الۋ كەرەكتىگىنە بايلانىستى  سىن-شاعىمدار ايتىلۋدا. سونىمەن قاتار، دەنساۋلىق ساقتاۋ مينيسترلىگى دە وسى سايتتا تىركەلمەيىنشە بيزنەستىڭ ارى قاراي جۇمىس ىستەۋى «زاڭسىز» بولىپ تابىلادى دەگەندى ناقتىلاي  ايتقانىن ەسكە سالامىز.

سونىمەن كاسىپكەرلەرگە تاعى ءبىر اكىمشىلىك توسقاۋىل قۇرىلدى،  مەملەكەتتىك تىركەۋدەن جانە سالىق تولەمدەرى ەسەبىنەن تىس كاسىپكەرلىك  قىزمەتتى ىسكە اسىرۋعا رۇقسات ەتۋدىڭ   جاڭا قىزمەت ءتۇرى ەنگىزىلدى. كاسىپكەرلىك كودەكستىڭ 106 بابىنا سايكەس كاسىپكەرلىك سالاسىندا  سۋبەكتىلەردىڭ كەيبىر قىزمەت تۇرلەرىنە نەمەسە ءىس-  قيمىلدارىنا رۇقساتتار مەن حابارلامالاردى مەملەكەتتىك رەتتەۋ قر كاسىپكەرلىك كودەكسى مەن قازاقستان رەسپۋبليكاسى «رۇقساتتار مەن حابارلامالار تۋرالى» زاڭىنا سايكەس جۇرگىزىلەدى.

 قر «رۇقساتتار مەن حابارلامالار» زاڭىندا رۇقسات بەرۋ مەن حابارلامالار تولىق ءتىزىمى ەسكەرىلگەن.  وسى زاڭنىڭ 2 قوسىمشاسىنا سايكەس 120 تارماعىندا سانيتارلىق-ەپيدەميولوگيالىق قورىتىندىلاردى بەرۋ ەلدىڭ سانيتارلىق-ەپيدەميولوگيالىق سالاسىنداعى نورماتيۆتىك قۇقىقتىق اكتىمەن كورسەتىلەدى. وندا مۇنداي قورىتىندى ۇزاق مەرزىمدى دەپ كورسەتىلگەن.

وسى تۇرعىدا كارانتين اياقتالعان سوڭ ءاربىر كاسىپكەر قوسىمشا رۇقساتسىز وزىنىڭ جۇمىسىن جالعاستىرا الادى.  ياعني، تج رەجيمى مەن كارانتين ەنگىزىلگەنگە دەيىن  قىزمەتى رۇقسات ەتىلگەن جانە بارلىق سانيتارلىق-ەپيدەميولوگيالىق تالاپتارعا ساي كاسىپكەردىڭ قر كاسىپكەرلىك كودەكسى جانە قر «رۇقساتتار جانە حابارلامالار تۋرالى» زاڭىمەن ەسكەرىلمەگەن جاڭا رۇقساتتاردى الۋى مىندەتتى ەمەس. 

زاڭنامالىق/نورماتيۆتىك اكتىلەردىڭ يەرارحياسى بويىنشا دەنساۋلىق ساقتاۋ ءمينيسترىنىڭ  بۇيرىعى، ءتىپتى ۇكىمەت قاۋلىسى زاڭ  تالاپتارىنان،  ونىڭ ىشىندە كودەكستەن جوعارى تۇرمايدى، كودەكستە جانە زاڭ تالاپتارىندا ەسكەرىلمەگەن بولسا  ولارعا تيىم سالۋعا نەمەسە جاڭا تالاپتاردى ەنگىزۋگە بولمايدى. 

مۇنداي شارالار مەن شەكتەۋلەر توتەنشە جاعدايلار كەزىندە ەنگىزىلۋى مۇمكىن. بىراق تج رەجيمى وسى جىلدىڭ مامىر ايىندا توقتاتىلدى، ياعني،  كاسىپكەرلىك قىزمەتتى ىسكە اسىرۋ ءۇشىن مۇنداي توسقاۋىلدار كاسىپكەرلەردىڭ  زاڭدى قۇقىقتارىن بۇزۋ بولىپ تابىلادى. 

كاسىپكەرلىك كودەكستىڭ 14 بابىمەن بيزنەستىڭ ادالدىق پرەزۋمپتسياسى ەسكەرىلگەن، ياعني، ونىڭ  بۇزۋشىلىعى انىقتالىپ جانە دالەلدەنگەنشە كاسىپكەر ادال دەپ سانالادى. 

ياعني، جاڭا شەكتەۋ شارالارىنا (ناقتى بيزنەس سۋبەكتىسىنە قاتىستى بولماسا) نەگىز جوق، شەكتەۋ ناقتى بيزنەس سۋبەكتىسىنىڭ سانيتارلىق – ەپيدەميولوگيالىق زاڭ بۇزۋشىلىعى انىقتالعان جانە دالەلدەنگەن جاعدايدا  عانا جۇرگىزىلەدى. ەگەر مۇنداي جوق بولعاندا كاسىپكەر ادال دەپ سانالادى جانە ءوز قىزمەتىن قايتا جالعاستىرۋ ءۇشىن قوسىمشا رۇقسات الۋعا مىندەتتى ەمەس.   

سونىمەن قاتار دەپۋتاتتار اكىمدىكتەردىڭ ەپيدەميولوگيالىق قاۋىپسىزدىك نورمالارىن ساقتاۋ جونىندەگى باقىلاۋ مونيتورينگتىك توپتارىنىڭ جۇمىس ءادىسى بويىنشا كۇماندارىن ايتتى. مۇنداي توپتار ءارتۇرلى جەرگىلىكتى مەملەكەتتىك ورگاندار مەن قوعامدىق بەلسەندىلەردەن قۇرىلادى، بىراق ولاردىڭ قۇقىقتىق مارتەبەسى  كاسىپكەرلىك كودەكس نەمەسە زاڭمەن رەتتەلمەگەن. ەگەر تج كەزىندە ازاماتتاردىڭ قۇقىقتارى مەن  بوستاندىقتارىن شەكتەۋلەرگە جول بەرىلسە، ال تج رەجيمى اياقتالعاننان كەيىن مونيتورينگ توپتارىنىڭ وكىلەتتىگى مەن ولاردىڭ قۇرىلۋى زاڭعا سايكەس قارالۋىن  قاجەت ەتەدى.   

سونداي-اق ۇندەۋدە وسى مونيتورينگتىك  توپتاردىڭ  جۇمىسى كوبىنەسە جازالاۋ شارالارىن قولدانۋمەن جۇرگىزىلەدى، ۇلكەن ايىپپۇلدار سالىنىپ، كاسىپكەرلىك كودەكسپەن انىقتالعان تەكسەرۋ ءتارتىبى  بۇزىلاتىنى  ايتىلادى. 

مىسالى، تەكسەرۋلەر ەسكەرتۋلەرسىز، سۋر بەلگىلەنگەن تەكسەرۋ كەستەسىز جانە ولاردى تاعايىندالۋىن  الدىن-الا ەسكەرتۋسىز جۇرگىزىلەدى. ايىپپۇلدار قر اقك 425 بابى بويىنشا (حالىقتىڭ  سانيتارلىق –ەپيدەميولوگيالىق، سونداي-اق، گيگيەنالىق تالاپ نورمالارىنىڭ ساۋلىعى سالاسىنداعى  زاڭنامالىق تالاپتاردى بۇزعانى ءۇشىن) جانە 462 (مەملەكەتتىك ينسپەكتسيالار مەن مەملەكەتتىك باقىلاۋ جانە قاداعالاۋ ورگاندارى لاۋازىمدى تۇلعالارعا،  ولاردىڭ قىزمەتتىك مىندەتتەرىن ورىنداۋعا كەدەرگىلەر كەلتىرگەندە،  قاۋلىلار، تىيىم سالۋ ۇيعارىمدارىن جانە وزگە دە تالاپتاردى ورىنداماعانى ءۇشىن) سالىنادى دەلىنگەن. 

بىراق تا وسى باپتاردىڭ ءبىر دە بىرەۋى مونيتورينگتىك توپتاردىڭ قۇرامىنداعى اكىمدىك  وكىلدەرى، پوليتسيا  جاساقشىلارى جانە قوعامدىق بەلسەندىلەردىڭ  قۇزىرىنا كىرمەيدى. 

سوندىقتان دا وسى توپتارىنىڭ جۇمىسى زاڭنامالىق رەتتەۋدى نەمەسە توپتاردى تاراتۋدى قاجەت ەتەدى. ويتكەنى،  كودەكس بويىنشا ولاردىڭ قىزمەت وكىلەتتىگى زاڭسىز بولىپ تابىلادى. 

ەگەر ولار رەتتەلگەن جاعدايدا  كاسىپكەرلەردىڭ قۇقىقتارى مەن ولاردىڭ قۇقتارىنىڭ ساقتالۋى، مۇنداي تەكسەرۋلەردى وتكىزۋ نەگىزدەمەلەرى مەن ەرەجەسى، سونداي-اق، ولاردىڭ قورىتىندىسىن داۋلاسۋ ءتارتىبى جازىلۋى كەرەك.

سونىمەن قاتار، ازات پەرۋاشەۆ قازاقستان رەسپۋبليكاسى پرەزيدەنتىنىڭ 2019 جىلعى 26 جەلتوقسانداعى «قازاقستان رەسپۋبليكاسىندا تەكسەرۋلەرگە جانە پروفيلاكتيكالىق باقىلاۋ مەن قاداعالاۋدى بارىپ جۇرگىزۋگە موراتوري ەنگىزۋ تۋرالى» №229  جارلىعىن ەشكىم جويماعانىن دا ەسكەرتتى.

قازاقستاننىڭ  «اق جول» دەموكراتيالىق پارتياسى ەپيدەميالوگيالىق جازالاۋ  شارالارىنىڭ قولدانىلۋ تەڭدىگى قر زاڭدارىمەن بەلگىلەنگەن كاسىپكەرلەردىڭ  قاراپايىم قۇقىقتارىن ساقتاۋمەن بەلگىلەۋ قاجەت دەپ سانايدى. 

Abai.kz