ءماجىلىستىڭ ەكونوميكالىق رەفورما جانە وڭىرلىك دامۋ كوميتەتىنىڭ توراعاسى، دەپۋتات نۇرتاي سابيليانوۆ شىعىس قازاقستان وبلىسىنا بارىپ، حالىقپەن كەزدەستى.

تۇرعىندارمەن كەزدەسۋدە نۇرتاي سابيليانوۆ الەۋمەتتىك-ەكونوميكالىق ماسەلەلەر، سونىڭ ىشىندە اۆتوموبيل جولدارىن جوندەۋ، تۇرعىن ءۇي سالۋ جانە تۇرعىنداردى جوعارعى جىلدامدىقتى ينتەرنەتپەن قامتاماسىز ەتۋ سياقتى بىرقاتار ماسەلەلەرگە نازار اۋداردى.

سونداي-اق، مەملەكەتتىك ەكونوميكانى كارانتيننىڭ زارداپتارىنان قالپىنا كەلتىرۋ بويىنشا قابىلداعان شارالارعا بايلانىستى جانە سوعان سايكەس الەۋمەتتىك سالانى دامىتۋ، از قامتاماسىز ەتىلگەن ازاماتتارعا، ءبىلىم بەرۋ جانە مەديتسينالىق مەكەمەلەرگە كومەك كورسەتۋ ماسەلەلەرى دە قامتىلدى.

نۇرتاي سابيليانوۆتىڭ ايتۋىنشا، تۇرعىنداردى تازا اۋىز سۋمەن قامتاماسىز ەتۋ، ەلەكتر ەنەرگياسىن جەتكىزۋدى ارتتىرۋ، كومىر باعاسى، تۇرعىن ءۇي سالۋ، جولداردى جوندەۋ جانە پوشتا بايلانىسىن جاقسارتۋ ەرەكشە نازاردا.

ساپار بارىسىندا دەپۋتات اباي اۋدانىنىڭ قاراۋىل اۋىلىندا جەرگىلىكتى تۇرعىندارىمەن كەزدەسىپ، تازا اۋىز سۋمەن قامتاماسىز ەتۋ جۇمىستارىن، جاڭادان سالىنىپ جاتقان مەكتەپ قۇرىلىسى مەن تۇرعىن ۇيلەرگە بارىپ، قۇرىلىسشىلارمەن جۇزدەستى.

ال، شىعىس قازاقستان وبلىسى اياگوز قالاسىندا دارىگەرلەرمەن جۇزدەسكەن نۇرتاي سابيليانوۆ اۋدانارالىق اۋرۋحانادا جاڭادان اشىلعان، زامان تالابىنا ساي مەديتسينالىق قۇرالدارمەن جابدىقتالعان انگيوگرافيالىق ءبولىمنىڭ جۇمىسىمەن تانىستى.

دەپۋتات حالىققا جوعارعى دەڭگەيدە مەديتسينالىق قىزمەت كورسەتىپ جاتقان اق حالاتتى ابزال جانداردىڭ ادال ەڭبەكتەرى ءۇشىن العىس ءبىلدىردى.

ءىسساپار بارىسىندا دەپۋتات شىعىس قازاقستان وبلىسىنىڭ ورتالىعىنان 570 شاقىرىم جەردە ورنالاسقان العاباس، قاينار، ابىرالى اۋىلدارىندا حالىقپەن كەزدەستى.

نۇرتاي سابيليانوۆتىڭ ايتۋىنشا، سەمەي يادرولىق پوليگونىنان زارداپ شەككەن ازاماتتارعا الەۋمەتتىك، مەديتسينالىق كومەك كورسەتۋدى ارتتىرۋ، مال شارۋاشىلىعىن دامىتۋعا قولداۋ كورسەتۋ، تازا اۋىز سۋمەن قامتاماسىز ەتۋ (العاباس، ابىرالى), ەلەكتر جارىعىنىڭ قۋاتتىلىعىن ارتتىرۋ، كومىردىڭ باعاسىن رەتتەۋ، تۇرعىن ءۇي سالۋ، جول جوندەۋ، پوچتا قىزمەتىن جاقسارتۋ ماسەلەلەرى ۇنەمى نازاردا بولۋى ءتيىس.

سونداي-اق، دەپۋتات رەسپۋبليكالىق ماڭىزى بار سەمەي-قاينار اۆتوجولىن جوندەۋ، جاڭا كوپىر سالۋ جۇمىستارى بارىسىمەن تانىستى.

تۇرعىنداردىڭ سۇراقتارىنا جاۋاپ بەرىپ، ۇسىنىس-پىكىرلەرىن تىڭداعان ءماجىلىس دەپۋتاتى نۇرتاي سابيليانوۆ ءماجىلىستىڭ زاڭ شىعارۋشىلىق جۇمىسىندا نازارعا الۋ ءۇشىن مەملەكەتتىك الەۋمەتتىك-ەكونوميكالىق ماسەلەلەرگە ەرەكشە ءمان بەردى.

Abai.kz