مينسكىنىڭ تاۋەلسىزدىك الاڭىنا نارازىلىق اكتسياسىنا شىققانداردى ميليتسيا كۇشپەن تارقاتتى.

كۋاگەرلەر ۇستالعانداردىڭ بارىن ايتادى. ومون قىزمەتكەرلەرى 100 شاقتى ادامدى قاسيەتتى سيمەون جانە قاسيەتتى ەلەنا شىركەۋىندە 40 ءمينوت بويى قاماپ ۇستاعان. ولاردىڭ سىرتقا شىعۋىنا مۇمكىندىك بەرمەگەن.

الەۋمەتتىك جەلى قولدانۋشىلارى ۇيالى تەلەفونداعى ينتەرنەتتىڭ وشىرىلىگەنىن حابارلادى. ولاردىڭ سوزىنشە، ينتەرنەت الاڭعا ومون كۇشتەرى كەلگەندە سونگەن. ا1 پروۆايدەرى بيلىك تاپسىرماسىمەن ينتەرنەتتى سوندىرگەنىن راستادى.

مينسكىنىڭ 20 اۋدانىنداعى جانە مينسك وبلىسىنىڭ سەنيتسا ەلدى مەكەنىندەگى وكىلدەر پالاتاسىنىڭ دەپۋتاتتارىن كەرى شاقىرتقان. بۇل جونىندە Tut.by حابارلايدى.

بەلارۋستە حالىق نارازىلىعى جالعاسىپ جاتقانىنا ەكى اپتادان استى. 23 تامىز، جەكسەنبى كۇنى ەل استاناسى مينسك مەن وزگە دە وننان استام قالادا، كەيبىر ەسەپتەر بويىنشا، جيىنى 200 مىڭنان ادام قارسىلىق شەرۋىنە شىقتى.

ولار شيرەك عاسىردان استام ۋاقىت بيلىكتە وتىرعان الەكساندر لۋكاشەنكونى “پرەزيدەنت سايلاۋىندا 80 پايىز داۋىس الدى” دەپ جاريالاعان ورتالىق سايلاۋ كوميسسياسىنىڭ قورىتىندىسىمەن كەلىسپەي، ونى “داۋىستى دۇرىس ساناماي، ورەسكەل بۇرمالادى” دەپ ايىپتاپ، لۋكاشەنكونىڭ بيلىكتەن كەتۋىن تالاپ ەتىپ وتىر.

Abai.kz