قر پرەمەر ءمينيسترىنىڭ ورىنباسارى رومان سكليار ءىرى نەمىس كومپانيالارىنىڭ باسشىلارىمەن ونلاين-كەزدەسۋ وتكىزدى. ءىس-شارا جەر قويناۋىن پايدالانۋ جانە گەولوگيا سالاسىنداعى قازاقستان-گەرمانيا ىنتىماقتاستىعىن تەرەڭدەتۋگە ارنالعان.

ونلاين-كەزدەسۋگە گەرمانيانىڭ 100-دەن استام جەتەكشى كومپانيالارىنىڭ باسشىلارى مەن وكىلدەرى قاتىستى، ولاردىڭ ىشىندە Volkswagen, Siemens, Linde, Schaeffler, Knauf, Lufthansa, SMS group, DMT جانە ت. ب. بار.

پرەمەر-ءمينيستردىڭ ورىنباسارى رومان سكليار ءوز سوزىندە گەرمانيادان كەلگەن ارىپتەستەردى باسەكەگە قابىلەتتىلىكتى ارتتىرۋ، ينۆەستورلارعا نارىقتىق جاعداي جاساۋ، سالانىڭ كاسىبي جانە تەحنولوگيالىق دەڭگەيىن ارتتىرۋ ماقساتىندا قازاقستان ۇكىمەتىنىڭ گەولوگيا جانە جەر قويناۋىن پايدالانۋ سالاسىنداعى رەفورمالارى تۋرالى حابارلادى.

ر. سكليار داعدارىستان كەيىنگى دامۋ جاعدايىندا ەكونوميكانى ءارتاراپتاندىرۋ جانە جاڭا يندۋستريالىق وندىرىستەردى قۇرۋ ماسەلەلەرىنە ەرەكشە نازار اۋدارىلاتىنىن اتاپ ءوتتى.

بۇل باعىتتاعى بەلسەندى جۇمىس 2012 جىلعى 8 اقپاندا قر تۇڭعىش پرەزيدەنتى ن. ءا. نازارباەۆتىڭ گفر-عا ساپارى اياسىندا قول قويىلعان «قازاقستان مەن گەرمانيا اراسىنداعى شيكىزات، ونەركاسىپ جانە تەحنولوگيالىق سالالارداعى ارىپتەستىك تۋرالى» ۇكىمەتارالىق كەلىسىم شەڭبەرىندە جۇرگىزىلۋدە.

Abai.kz