بەرلين مەن ۆەنادا 28 تامىزدا بەلارۋستەگى داعدارىس ماسەلەسى تالقىلانادى. بەرليندە ەو سىرتقى ىستەر مينيسترلەرىنىڭ ەكى كۇنگە سوزىلاتىن جيىنى جالعاسادى. وندا مينسكىگە سانكتسيا سالۋ ماسەلەسى قارالادى. ۆەنادا ەۋروپاداعى قاۋىپسىزدىك جانە ىنتىماقتاستىق ۇيىمىنىڭ كەزدەسۋى جوسپارلانعان.

اقپارات بويىنشا، ەو بەلارۋستەگى سايلاۋ قورىتىندىسىن بۇرمالادى جانە نارازىلاردى كۇشپەن باسۋعا اتسالىستى دەپ ايىپتالعان 15-20 ادامعا سانكتسيا سالۋعا (اكتيۆتەرىن بۇعاتتاۋ، ەۋروپاعا ساياحاتتاۋعا تىيىم سالۋ) كەلىسكەن. كەيبىر ديپلوماتتار بۇدان قاتاڭىراق شارا قولدانۋدى ۇسىنىپ وتىر.

28 تامىزدا ۆەنادا البانيا پرەمەر-ءمينيسترى ەدي راما ەقىۇ تۇراقتى كەڭەسىنىڭ وتىرىسىندا بەلارۋستەگى جاعداي تۋرالى بايانداما جاسايدى. ەقىۇ توراعاسى راما جانە شۆەتسيانىڭ جاڭا سىرتقى ىستەر ءمينيسترى انن ليندەگە اشىق ءارى كونسترۋكتيۆتى ديالوگ جۇرگىزۋ ءۇشىن بەلارۋس ۇكىمەتىنە بارۋعا كەڭەس بەرىلگەن.

بەلارۋستى 26 جىل باسقارعان داۋلى سايلاۋدا رەسمي تۇردە جەڭىمپاز دەپ جاريالانعان باسشى الەكساندر لۋكاشەنكو باتىستى ەلدەگى تۇراقسىز جاعدايدى پايدالانىپ، ونىڭ اۋماعىن جاۋلاپ الۋعا تىرىستى دەپ ايىپتادى.

– سەبەبى باتىس ەلدەرى ەڭ اۋەلى گرودنىي اۋماعىن ءبولىپ الۋدى كوزدەپ وتىر. ول جەردە پولياك تۋلارىن دا ءىلىپ قويعان. قازىر وتانىمىزعا قاۋىپ ءتونىپ تۇر. قالجىڭداۋعا ۋاقىتىمىز جوق. ونىڭ ۇستىنە ناتو – ءالسىز ەمەس، – دەدى لۋكاشەنكو.

Abai.kz