شەنەۋنىكتەردىڭ وتباسى مۇشەلەرىنە شەتەلدىك شوتتار اشۋعا تىيىم سالىنادى. بۇل تۋرالى قارجى ءمينيسترى ەرۇلان جاماۋباەۆ مالىمدەدى.

«كولەڭكەلى ەكونوميكاعا قارسى ءىس-قيمىل جونىندەگى جوسپار وزەكتەندىرىلەدى جانە وففشورلىق يۋريسديكتسيالارعا اقشا اۋدارىمدارى بولىگىندە زاڭناما جەتىلدىرىلەدى»، - دەدى ە. جاماۋباەۆ.

الداعى ۋاقىتتا ينيسترلىك FATF ۇسىنىمدارىن ورىندايدى، اتاپ ايتقاندا:

- مەملەكەتتىك جانە كۆازيمەملەكەتتىك سەكتوردىڭ لاۋازىمدى تۇلعالارىنا جانە ولاردىڭ وتباسى مۇشەلەرىنە شەتەلدىك شوتتاردى اشۋعا تىيىم سالۋدى ەنگىزۋ;

- سالىق ورگاندارىنىڭ كاسىپكەرلىك سۋبەكتىلەرىنەن تۇپكىلىكتى بەنەفيتسيارلار تۋرالى مالىمەتتەردى الۋ قۇقىعىن زاڭنامامەن بەكىتۋ.

«ەكونوميكالىق ىنتىماقتاستىق جانە دامۋ ۇيىمى (ەىدۇ) ەلدەرىنىڭ سالىق ورگاندارى اراسىندا اقپارات الماسۋ اياسىندا قر رەزيدەنتتەرىنىڭ قارجىلىق شوتتارى تۋرالى مالىمەتتەردى تالداۋ. سالىقتىق جانە كەدەندىك اكىمشىلەندىرۋدى تسيفرلاندىرۋ بويىنشا جۇمىس جانداندىرىلدى. استانا-1, ەلەكتروندىق شوت-فاكتۋرالار جۇيەسى جانە ۆيرتۋالدى قويما ىسكە قوسىلدى. بۇدان باسقا، تەمەكى جانە الكوگول ونىمدەرىن تاڭبالاۋ پيلوتتىق جوبا رەتىندە جۇرگىزىلەدى جانە ونلاين-باقىلاۋ كاسسالىق ماشينالارى (بكم) ەنگىزىلدى»، - دەدى مينيستر.

ايتا كەتەيىك، بۇعان دەيىڭن پرەزيدەنت جولداۋىندا 2021 جىلدان باستاپ مەمقىزمەتشىلەردىڭ شەتەل بانكتەرىندە ەسەپشوت اشۋىنا شەكتەۋ قويىلاتىنى ايتىلعان.

«2021 جىلدان باستاپ مەملەكەتتىك قىزمەتشىلەردىڭ، دەپۋتاتتاردىڭ، سۋديالاردىڭ شەتەل بانكتەرىندە ەسەپشوتقا يە بولۋى، قولما قول اقشا جانە باعالى زاتتار ساقتاۋىنا قاتىستى جەمقورلىقپەن كۇرەس اياسىندا جاڭا شەكتەۋلەر ەنگىزۋ كەرەك»، - دەدى قاسىم-جومارت توقاەۆ.

Abai.kz