قازاقستاندا كاسىپورىنداردى قولداۋ ءۇشىن قوسىمشا 200 ملرد تەڭگە بولىنەدى. بۇل تۋرالى ۇلتتىق بانك توراعاسى ەربولات دوساەۆ مالىمدەدى. 

«مەملەكەت باسشىسىنىڭ تاپسىرماسى بويىنشا ەكونوميكالىق ءوسۋدى قالپىنا كەلتىرۋ ماقساتىندا داعدارىس سالدارىنان ايتارلىقتاي زارداپ شەككەن سەكتورلارداعى كاسىپورىنداردى قولداۋ ءۇشىن قوسىمشا 200 ملرد تەڭگە بولىنەدى. سالالار تىزبەسىن ۇكىمەت «اتامەكەن» ۇلتتىق كاسىپكەرلەر پالاتاسىمەن بىرلەسىپ انىقتايتىن بولادى»، - دەدى ە. دوساەۆ ۇكىمەت وتىرىسىندا.

وسى ورايدا ول ۇلتتىق بانكتىڭ جەڭىلدىكپەن كرەديتتەۋ باعدارلاماسى 800 ملرد تەڭگەگە دەيىن جەتكىزىلىپ، 2021 جىلدىڭ سوڭىنا دەيىن ۇزارتىلاتىنىن ناقتالادى.

بۇدان بۇرىن حابارلانعانداي، پرەزيدەنت جولداۋىندا قازىرگى داعدارىس جاعدايىندا بۇل باعدارلامانىڭ ارەكەت ەتۋ مەرزىمىن 2021 جىلدىڭ سوڭىنا دەيىن ۇزارتۋدى جانە ونىڭ قامتۋ اياسىن كەڭەيتۋدى تاپسىردى.

Abai.kz